Corrugados Azpeitiak bere ateak berriz zabaldu ditzake
Corrugados Azpeitia enpresak bere ateak berriro zabaldu ditzake, ETBk aurreratu duenez. Lantegiarentzako industri proiektu berri bat aurkeztu dute. Duela 8 urte itxi zuten, 2013an. CL industria taldeak egitasmoa aurkeztu du, 300 bat lanpostu sortzeko.
"Ausardia" eta Corrugadosen jarduera berreskuratzea arriskuan ez jartzeko eskatu dio Azpeitiko (Gipuzkoa) EAJk Nagore Alkorta (EH Bildu) alkateari ohar batean. Egitasmoak Eusko Jaurlaritzaren eta Gipuzkoako Foru Aldundiaren "babesa" duela azaldu dute jeltzaleek. "Ihes egiten utzi ezin den" aukera bat dela uste dute.
Alkatetza "harrituta" agertu da EAJren oharrarekin; izan ere, atzo bertan izandako elkarrizketetan biltzea adostu zuten. Gainera, erantsi duenez, Eusko Jaurlaritzarekin eta enpresaren jabearekin harremanetan jarri eta batzartzeko konpromisoa hartu dute, oraindik ikusi ez duten proiektuaren inguruan hitz egiteko. Erabaki bat hartu baino lehen egitasmoaren ezaugarriak aztertu nahi dituzte.
EAJren hitzetan, "herrian ageriko sekretu bat da, Udalak ausardiarekin jokatu behar du, industria taldeak Eusko Jaurlaritzaren eta Gipuzkoako Foru Aldundiaren babesa baieztaturik duela jakinda".
"Pandemiak enpresen zailtasunak areagotu dituenean eta krisi bat hastear dagoenean, Azpeitiak ezin du aukera ihes egiten utzi", ohartarazi du EAJk.
Jeltzaleek nabarmendu dutenez, "proiektua aurrera ateratzeko erakunde guztiek defendatu behar dute, familia askok jarduera berreskuratzea jokoan dagoelako". "Azpeitian lantegi bat gehiago martxan izateak eragin ekonomikoa eta azpeitiar askorentzako lanpostuak sortuko lituzke", errepikatu dute.
EAJren ahotan, lantzen ari diren proiektuak "aurrera ateratzeko itxura du, beti ere erakundeek bere eskumenen barruan bultzatzen baldin badute".
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".