Hegaldi laburrak debekatzea proposatu du Espainiako Gobernuak 2050. urterako planean
Hegazkinek ingurumenean eragiten duten kaltea murrizteko asmoz, Espainiako Gobernuak hegaldi laburrak debekatzea proposatu du, bidaia hori trenez eta gehienez 2,5 ordutan egiteko aukera badago.
Espainiaren egungo egoera sozioekonomikoaren analisia eta 2050. urterako erronkak biltzen dokumentua aurkeztu du Pedro Sanchezek, eta neurri hori txosten horretan dago jasota.
Frantzian duela gutxi onartu dute lege bat hegaldi laburrak murrizteko, trenaren erabilera bultzatuz eta garraio jasangarriaren aldeko apustua eginez.
"Joan-etorria trenez eta 2,5 ordu baino gutxiagoko epean egin daitekeen kasuetan, hegaldiak debekatzea proposatzen dugu, 2050erako bi milioi tona gas kutsagarri gutxiago isurtzeko atmosferara", dio testuak.
Trenbideak kudeatzeko Adif enpresa publikoak sarritan esan du hegaldi laburrak "arinago edo beranduago" bertan behera utzi beharko zirela, eta zehaztu du horrek ez duela hegazkin konpainiengan eragin handirik izango, negozioa nazioarteko hegaldietan dagoela azpimarratuta.
Horrez gain, Espainiako Gobernuak ibilgailuaren gaineko zergetan aldaketak egin nahi ditu. Egungo zergak erosketari, zirkulazioari eta erregaiari lotuta daude, baina etorkizunean ibilgailuaren erabilerari lotutako zergak ezarri nahi ditu, ibilgailuaren pisua, potentzia eta atmosferara isurtzen dituen gas kutsagarriak kontuan hartuta.
Halaber, trenbide sarea eraberritzea proposatzen du, bidaiarien nahiz merkantzien garraiorako. Merkantzien garraioa batez ere errepidetik egiten dela eta horrek gas kutsagarrien emisioan eragin zuzena duela ohartarazten du.
Hamaika neurri
Espainiako Gobernuaren planak beste hainbat neurri biltzen ditu eta, besteak beste, 2050erako enplegu-tasa % 80koa izatea eta langabezia-tasa % 7ra murriztea ezarri du helburutzat.
Ildo berean, ondoko erronkak ere aurreikusten ditu: emakumeen enplegu-tasa gizonezkoenaren pare jartzea (% 82), 55 urtetik gorako pertsonen enplegu-tasa % 68ra igotzea eta 35 orduko lan-astea ezartzea, Europako gainerako herrialdeetan bezala.
Aberastasunaren banaketari dagokionez, zerga bilketa BPGren % 43koa izatea –orain baino zortzi puntu gehiago, hain zuzen ere- eta ezkutuko ekonomia erdira murriztea: BPGren % 20etik % 10era.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".