Langile publikoak kaleetara atera dira EAEn, behin-behinekotasuna salatzeko
Sektore publikoko ehunka langile bildu dira larunbatean EAEko hiru hiriburuetan, 60 0000 lanpostutan sufritzen ari diren "behin-behinekotasunaren gaitza" salatu, eta Eusko Jaurlaritzari lanpostuak sortzeko eta mantentzeko eskatuz.
ELA, LAB, CCOO, Satse, Steilas eta ESK sindikatuak Bilbon, Gasteizen eta Donostian manifestatau dira, "Zerbitzu Publikoen alde, enplegu publikoa kontsolidatu!" lelopean.
Bilbon, Arriaga Plazatik abiatu da protesta. Bertan, Loli Garcia CCOO Euskadiko idazkari nagusiak, beste sindikatuetako ordezkariekin batera, Euskal Herriko behin-behinekotasun tasa "Estatuko eta Europako altuena" dela salatu du.
ELA sindikatutik, Igor Izagirrek erakundeei eta agintariei eskatu die "zerbitzu publikoak suntsitzea" eteteko, eta "behin-behinekotasuna sufritzen duten 60.000 langileen lanpostuak" bermatzeko.
Egoera "dramatikoa" dela azaldu du Izagirrek; izan ere, Eusko Jaurlaritza "herrialde honetako Aldi Baterako Lan Enpresarik handiena" dela esan du, eta egoera "jasanezina" dela azpimarratu. Ildo beretik, Bizkaiko erresidentzietako langileen egoera salatu du: 130 zahar etxe daude, horietatik dozena bat soilik dira Udalarenak, eta % 75eko behin-behinekotasun tasa dute orotara.
Gainera, sukaldaritzaren eta garbiketaren sektorearen % 90a pribatizatuta dagoela salatu du, "Eusko Jaurlaritzak eta alderdi politikoek egoera aldatzeko asmorik" ez dutela nabarmenduz.
Beste alde batetik, apirileko grebaz aritu da Izagirre, baita Jaurlaritzaren eta Eudelen interes falta deitoratu ere. "Egoera aldatu arte ez dugu etsiko, grebekin eta mobilizazioekin jarraituko dugu. Zerbitzu publikoen alde egin behar dute, lanpostuak sortu eta mantendu", adierazi du ELAren ordezkariak.
Azkenik, Gorka Berasategik, LABeko bozeramalea, salatu du aldi baterako langileek urteak daramatzatela "zerbitzu publikoak aurrera ateratzen", Eusko Jaurlaritzaren irtenbiderik gabe. "Tamalgarria da Exekutiboaren eta Eudelen jarrera", esan du, eta negoziazio mahaietan "berme guztiekin egindako prozesua" ahalbidetuko duen planteamendua falta dela azpimarratuz.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.