Amiantoagatik hil zen langile baten familia indemnizatzera zigortu dituzte bi enpresa
Bilboko epaitegi batek bi enpresa zigortu ditu amiantoaren ondorioz hil zen langile baten heriotza egotzita. Fundiciones Amboto –egun ez dago martxan- eta Foseco Española konpainiek ia 130.000 euroko kalte-ordaina eman beharko diete biktimaren senideei.
Euskadiko Amiantoaren Biktimen Elkarteak (Asviamie) ohar bidez jakinarazi duenez, epaimahaiak oso-osorik onartu du beharginaren familiak aurkeztutako demanda eta bi enpresek 129.645,96 euro ordaindu beharko dizkiete alargunari eta seme-alabei eragindako kalteagatik.
Ebazpenak frogatutzat ematen du bi konpainiek laneko osasunarekin eta segurtasunarekin lotutako araudia "hainbat urtez urratu" zutela.
Fundiciones Amboto enpresan urtebetez aritu zen lanean: 1969ko abuztutik 1970eko ekainera. Amiantoarekin kontaktu estua zuela eta bere segurtasuna bermatzeko paperezko musukoak soilik ematen zizkiotela deitoratu du elkarteak.
Foseco Española konpainian, berriz, 1970eko ekainean sartu zen eta 23 urte eman zituen bertan. Amiantodun zuntzekin beste produktu batzuk egitea zen bere eginkizuna eta horretarako amiantoz betetako zakuak eskuz manipulatzen zituen.
2015ean eraman zuten Galdakaoko ospitalera, arnasteko arazoak zituelako, eta asbestosi izeneko gaitza antzeman zioten. 2018an, Gizarte Segurantzak lanerako ezintasuna eman zion, asbestosia gaixotasuna profesionala dela argudiatuta. Hilabete batzuk geroago hil zen langilea.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.