Kongresuak babestu egin du amiantoaren biktimei kalte-ordaina emateko funtsa sortzea
Espainiako Kongresuko alderdi guztiek, Voxek izan ezik, babesa eman diote amiantoaren biktimei kalte-ordaina emateko estatu mailako funtsa sortzeko Eusko Legebiltzarrak egin duen lege proposamena.
Ekimena EH Bilduko, EAJko eta PSE-EEko diputatuek aurkeztu dute, eta gogorarazi dute lehenengo aldiz 2016an aurkeztu zutela, baina ezin izan dituztela izapide guztiak bete gorteak desegin dituztelako behin eta berriz.
Minbizia eragiten duen material horrek sortzen dituen heriotzak jarri dituzte mahai gainean: 1999tik 6.961 pertsona hil dira Espainiako Estatuan mesoteliomarekin (amiantoarekin hildakoen kopurua are altuagoa da), adierazi du Eba Blanco EH Bilduren diputatuak.
Blancok lantaldearen lanei berriro ekiteko eskatu die taldeei, "adostutakoari begira eta ezberdintasunak alde batera utzita": "Ez hasi hutsetik, ezin dugu gai honetan beste atzerapenik onartu. Ez litzateke bidezkoa izango biktima guztiekin".
EAJko Maitane Ipiñarazek biktimak zaurgarriak direla nabarmendu du, gaixotasuna "oso luzea" dela, eta horren ondorioz, enpresa batzuk jada itxita daudela edo auzitegietan kausalitatea frogatzea zaila dela.
PSE-EEko Gloria Sanchezen esanetan, Eusko Legebiltzarrak duela hiru legealdi osatu zuen ekimen hori, Frantziako konpentsazio ereduari jarraituz, eta legea "ahalik eta azkarren" tramitatzeko eskatu dio Kongresuari.
Voxek bakarrik baztertu du ekimena aintzat hartzea, eta abstentzioaren alde egin du, "beste txiringito bat" sortu nahi dutelakoan. Gainera, EAEtik bultzatutako funtsa estatu mailakoa izatea jarri du zalantzan: "Unea iristen denean, Ogasunak ez du zentimorik jartzen. Oso ondo geratu dira, arazoa espainiarren esku utzi dute", esan du Emilio Jesus del Valle diputatuak.
Era berean, Voxek ez omen du ulertzen lan eremutik kanpo material toxiko horrek kaltetutako emakumeei kalte-ordainak ematearen garrantzia.
Unidas Podemosen izenean, Pilar Garridok biktimen babesgabetasuna deitoratu du, eta biktima gehienak jarduera industrial handia duten eskualdeetan eta langile-auzoetan daudela.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.