Eusko Jaurlaritzak hitzeman du Hezkuntzan ahalik eta LEP gehien egingo dituela
Eusko Jaurlaritzak iragarri du ahalik eta lan eskaintza publiko gehien egingo dituela Hezkuntzan, sistemari "egonkortasuna" emateko. Legeak baimentzen duen adina LEP deituko direla azaldu du Jokin Bildarratz Hezkuntza sailburuak Gasteizen. Hezkuntza sistema indartzeko, legealdi honetan urtero eskaintza bana egiteko asmoa agertu du.
Bilbao Exhibition Centren (BEC) egin ditu adierazpenak Bildarratzek, 2020ko LEP oposizioko lehen frogan. Orotara, 1.148 lanpostu eskaini dira, 1.021 Bigarren Hezkuntzan eta 127 Lan Heziketan.
Sailburuaren esanetan, "irakasleei egonkortasuna ematea" da Jaurlaritzaren helburua, lanpostu finko batek ematen duen lasaitasunetik lan egiteko aukera izan dezaten eta haien "bizitza proiektuetan" aurrera egin dezaten.
Bestalde, azpimarratu du inoiz ez dela "benetako kalitate"rik lortuko ikastetxe gehientsuenetan egonkortasunik ez dagoen bitartean.
Bildarratzek nabarmendu du oraindik lan handia egin behar dela hezkuntza sistema biziberritzeko, eta "sindikatuekin batera eta elkarlanean" egingo dela lan hori.
Albiste gehiago ekonomia
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Ekonomia, Lan eta Enplegu Sailak soldata-tarte bat proposatu du Euskadiko errealitate sozioekonomikoa aztertu ondoren. ELAk eta LABek gogor kritikatu dute ikerketa, eta lanbide arteko gutxieneko soldata propioa eskatu dute EAErako.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.
Azken egunetako txingorrak kalte "oso handia" eragin du Arabako Errioxako mahastietan
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuaren arabera, Samaniego, Navaridas, Leza eta Eskuernaga herrietan jo du gogorren.