Tubacexeko batzordearen ustez, zuzendaritzaren eskaintza ez da “nahikoa”, eta grebak jarraitu egingo du
Tubacexeko enpresa batzordearen ustez, zuzendaritzak egindako proposamena "ez da nahikoa" lan-gatazkari amaiera emateko; hori dela eta, Arabako Amurrio eta Laudioko lantegietan 167 egun egingo dute gaur greba mugagabean.
Bi aldeek bilera egin zuten atzo, astelehenean, Laudioko lantegian. Hamar ordu iraun zuen, eta proposamenak mahai gainean jartzeko balio izan zuen, baina aldeek ez zuten adostasunik lortu egoera desblokeatzeko.
Hilabete honen hasieran, Euskal Autonomia Erkidegoko Justizia Auzitegi Nagusiak kaleratzeak baliogabetzat jo zituen, eta kaleratutako 129 langileak berriro onartzeko agindu zion enpresari.
Horren aurrean, hasieran, enpresak jakinarazi zuen ebazpen judizialaren aurka errekurtsoa jarri nahi zuela, eta kaltetuei soldatak ordainduko zizkiela lanera itzuli gabe; baina, ondoren, bere jarrera aldatu, eta berriro onartzeari eta negoziatzeko dauden aldi baterako enplegu-erregulazioko espedienteetan sartzea proposatu zuen.
Hala, kaleratutako langileak modu mailakatuan onartuko dituela iragarri zuen Tubacexek, uztailaren 26tik azaroaren 30era, baina ELA, STAT, CCOO, LAB eta ATAL sindikatuek osatutako langileen batzordeak baldintza bat jarri du: enpresak Auzitegi Gorenean jarritako helegitea bertan behera uztea. Batzordearen arabera, hori eginez gero, langileek zuzendaritzaren eskaintza onartuko dute, horrek "zalantza juridikoak sortzen dituelako".
Atzoko bileran, enpresak proposamen bat egin zuen, eta, errekurtso judizialari eutsiz, "borondatezko bajen eta aurre-erretiroen prozesu bat" hastea proposatu zuen, "enplegu-erregulazioko espedientearen ondorioak murriztu ahal izateko". Horrekin batera, kaltetutako langileak behin-behinean eta pixkanaka berriro hartzea jarri zuen mahai gainean zuzendaritzak.
Enpresa batzordeak, bere aldetik, errekurtsoa kentzeko eskatu zuen, eta, trukean, borondatezko baja berrien eta aurre-erretiroen prozesu bat abiatzea, lan-hitzarmenean adostutako enplegua kontratatzeko konpromisoari "uko" egitea eta zuzendaritzak azpikontratazioari uko egitea.
Bileraren amaieran, enpresa batzordeak ohar batean azaldu zuenez, "enpresaren lehentasuna da greba bertan behera uztea berehala", eta hori beharginek egindako proposamenean "inplizituki" jasota dagoela azpimarratu du, betiere "aipatutako helburuak" betetzen badira.
"Enpresaren proposamena ez da nahikoa, balorazio zabalagoa beharko du, baina, gaur egun, langileen batzordeko gehiengoa ez dago greba bertan behera uzteko prest", batzordearen arabera.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.