Zamudioko enpresa bateko jabea atxilotu dute langileak esplotatzeagatik
Polizia Nazionalak enpresaburu bat atxilotu du Zamudioko lantegi batean bere beharginak esplotatzeagatik. Nagusiak "maratoi" bat deitzen zuena agintzen zien tarteka: 26 ordu jarraian lan egitea, alegia, goizeko 07:00etatik hurrengo eguneko goizeko 09:00etara.
Gobernuaren Ordezkaritzak asteazken honetan jakitera eman duenez, abuztuaren 17an atxilotu zuten ugazaba. Operazioa aurreko egunetan hasi zen, hainbat langilek beren borondatez salatu zutenean Bilboko Polizia Nazionalaren komisarian esplotatuak zeudela.
Biktima horiek kontatutako gertakarien larritasuna eta egiazkotasuna ikurik, ikertzaileek lekuko babestuen izaera onartu zieten.
Langileek esan zutenez, nagusiak ez zien inolako kontraturik egin egoitza-baimenik ez zeukatelako, eta bost euroko soldata jasotzen zutela lan egindako ordu bakoitzeko.
Kontatu zutenez, lanean istripuren bat jasan izan eta medikutara joan behar zutenean, jabeak debekatu egiten zien enpresaren izena edo mina non hartu zuten esatea.
Gainera, "maratoia" egin behar zenean, 26 orduz jarraian egiten zuten lan, ordubete baino ez zuten jateko eta gau osoa eraikin barruan itxita eman behar izaten zuten.
Horregatik guztiagatik, Bilboko Atzerritarren eta Mugen Brigadako agenteek eta Bizkaiko Lan eta Gizarte Segurantzako Ikuskaritzako funtzionarioek Zamudioko Ugaldeguren industrialdean kokatutako enpresa ikuskatu zuten eta zortzi langile identifikatu zituzten barruan.
Horietatik lau bizileku- eta lan-baimenik gabe zeuden, eta, beraz, ugazaba atxilotu egin zuten.
Enpresaburua aske geratu da polizia-etxean deklaratu ostean, eta auzia instruitzen ari den epaitegian aurkeztu beharko du.
Langileen eskubideen aurkako ustezko delitu bat egotzi diote, eta, gainera, 70.000 eurotik gorako zigor ekonomikoa jaso dezake, lan-arloko eta Gizarte Segurantzako legedia urratzeagatik.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.