Tubacexeko zuzendaritzak errekurtso judizialari uko egingo dio batzordeak akordio bat sinatzen badu
Tubacexeko zuzendaritzak gaur adierazi duenez, enplegu-erregulazioko espedientea (EEE) baliogabetzat jo zuen epaiaren aurkako helegitea aurkezteari uko egiteko prest dago. Horretarako, baina, zehaztu du Laudio eta Amurrioko lantegien etorkizuneko bideragarritasuna bermatuko duen irtenbide bat "negoziatu, hitzartu eta sinatzea" onartu beharko lukeela langile-batzordeak.
Atzo, asteartean, akordiorik gabe amaitu zen TTI eta Aceralava lantegietan ezarri nahi duten aldi baterako enplegu-erregulazioko espedientearen (ABEEE) negoziazio epea. Arabako lantegi bi horietan 800 beharginek egiten dute lan, eta gaur, asteazkenean, greba mugagabeak 210 egun egin ditu.
Egoera hori ikusita, TTIko (Tubacex Tubos Inoxidables) eta Aceralavako zuzendaritzak agiri batean azaldu duenez, enpresak hainbat irtenbide proposatu ditu, eta deitoratu du "urtebete baino gehiagoan langile-batzordeak" ez dituela zuzendaritzak planteatutako irtenbideak negoziatu nahi izan.
Besteak beste, lan baldintzetan "doikuntzak" egiteko proposamena egin duela gogorarazi du, kaleratzeak saiheste aldera. Halaber, borondatezko bajak eta erretiroak areagotzea mahaigaineratu zuela azpimarratu du zuzendaritzak.
ABEEE berriak lanaldiaren % 70era arteko murrizketa eragingo luke langile guztiengan, enpresak berak erabakitako baldintzetan. Ildo horretatik, zuzendaritzak gogoratu du astearteko bileran proposatu zuela langileek oporren % 100 sortzea, eta ez % 70.
Hala ere, proposamen horrek ez zuen asebete langile-batzordea. Izan ere, horrek eskatu du enplegua 2024ra arte bermatzea eta errekurtso judizialari uko egitea. Izan ere, Euskal Autonomia Erkidegoko Auzitegi Nagusiak 129 lanpostu suntsitu zituen enplegu-erregulazioko espedientea baliogabetu zuen.
Astearte honetako bileraren ostean kaleratutako agiri batean, batzordeak gatazkari irtenbidea bilatzen jarraitzeko asmoa duela azaldu du, "greban egotea ez delako gustukoa". Hori dela eta, "langileen etorkizuna bermatuko duen akordioa" lortzen saiatuko dela nabarmendu du.
Enpresak, bere aldetik, langileen eskakizuna onartuko ez duela azpimarratu du, uste duelako errekurtsoa jartzea "oinarrizko eskubide legitimoa" dela. Hala ere, aitortu du aukera hori bazter dezakeela baldin eta batzordeak bi lantegien bideragarritasuna bermatuko duen irtenbide estruktural bat negoziatu, hitzartu eta sinatzen badu.
Hori horrela izanda, enpresak zehaztu du duela urtebete baino gehiago proposatu zuen negoziazioa onartzea ekarriko lukeela horrek, eta azpimarratu du enpresaren eta sindikatuen arteko akordio hori errekurtsoa kendu aurretik egin beharko litzatekeela.
Bitartean, asteazken honetan, batzordea Tubacexek Bizkaiko Teknologia Parkean (Derion) dituen bulegoen aurrean bildu da berriro, bere aldarrikapenak defendatzeko.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.