Eusko Jaurlaritzak 250 milioiko ezohiko inbertsio programa bat onartu du
Eusko Jaurlaritzak gaur egin duen Gobernu Kontseiluaren bileran 250 milioi euroko Ezohiko Inbertsio Programa bat onartu dute; Iñigo Urkullu lehendakariak iragarri zuen plan hau joan den irailaren 16ko politika orokorreko osoko bilkuran. Zenbateko hori batzen zaio 2021eko Euskal Autonomia Erkidegoko Aurrekontuetan inbertsioetarako jasotako 1.000 milioi eurotik gorako zenbatekoari.
Gainera, Eusko Jaurlaritzatik azaldu dutenez, kopuru horren lehen 170 milioi euroak aurten bertan exekutatzen hasiko dira.
Urkulluren Exekutiboak nabarmendu duenez, euskal aurrekontuak inbertsioak eta enplegua dinamizatzeko "funtsezko tresnetako bat da".
Helburu horrekin, azpimarratu duenez, Gobernu Kontseiluak onartutako ekonomia- eta aurrekontu-gidalerroek -"Europar Batasunaren zerga-politika hedakorrak eskaintzen duen aukera baliatuz"-, aintzat hartzen dute datozen urteetarako "apustu handiak sustatuko dituen inbertsio-plan handi bat diseinatzea eta abian jartzea.
Hori guztia, "erabakimenez eta bermeekin" ekin ahal izateko hiru trantsizio handiei: "trantsizio teknologiko-digitala, energetiko-klimatikoa eta sozio-sanitarioa (erronka demografikoa giltzarri du azken honek).
Hala ere, EAEko 2022ko ekitaldiko Aurrekontu Orokorren nortasun-ezaugarria inbertsio publikoa izan dadin lortu nahi den arren, zerga-arauak etetearen eta, diru-sarrerei zein gastuei dagokienez, aurrekontu-betearazpenaren ondorioz Administrazioaren ekonomiaren eta aurrekontuen gaur egungo egoerari erreparatuta, 2021eko ekitaldiaren barruan "komeni da inbertsio publikoa ahalik eta handiena izatea eta, horretarako, baimendutako mugetara hurbiltzea, eskura dauden baliabide guztiak erabiltzea eta inbertsio plan berezi bat berehala egitea".
Beraz, azpimarratu dutenez, finean, "inbertsioa lehenesten jarraitu nahi da, Euskadi eralda dadin, pandemiak eta osasun-estrategiak gizartearen arreta bereganatu duten gara berri honetan".
Programa Bereziaren finantzaketa diruzaintzako gerakinetatik eta aurrekontuan egindako intsuldaketetatik dator batik bat, "enplegua sortzen duten inbertsioak ere bultzatu ahal izateko" helburuarekin.
Programa berezi honek emango duen inbertsio ahalmen "gehigarri eta berezi" hori 2021-2024 aldian egikaritu beharreko inbertsio-jarduera zehaztetarako erabiliko da, lehentasun jakin batzuekin.
Lehentasun horien artean aurrenak dira gizarte-azpiegiturak dira: hezkuntzakoak, sozio-sanitarioak, kulturalak eta etxebizitzakoak, programaren % 50 osatuko dutenak.
Azpiegitura ekonomikoetara ere bideratuko dira inbertsioak: industrialak, teknologikoak eta digitalak, helburua izainik, "industiraren eta zerbitzu aurreratuen eraldaketa eta dibertsifikazioa areagotzea".
Hirugarren lehentasuna azpiegitura energetiko eta ingurumenekoak dira, Euskadi "energia berriztagarriko iturri berrien, biodibertsitatearen eta klima-aldaketaren aurkako borrokan" lehen lerroan jartzeko helburuz.
Exekutiboak azaldu duenez "Inbertsio Programa Berezi horren bidez, Eusko Jaurlaritzak aurrekontu-neurri egokiak aktibatzen ditu plan hau abian jarri eta egikaritzeko beharrezkoak diren baliabideen erabilera erraz dadin, betiere Euskal Autonomia Erkidegoko ekonomia- eta finantza-legeriaren eta aurrekontu-araubidearen esparruan".
Azaldu dutenez, ez da Eusko Jaurlaritzak 2021ean indarrean dauden Euskadiko Aurrekontu Orokorren inguruan egiten duen inbertsio publikoen arloko lehen esku-hartze gehigarria; izan ere, joan den maiatzaren 18an, Gobernu Kontseiluak Lehentasunezko Jarduera Eremuen (LJE) programarako kreditu gehigarriak baimendu eta onartu zituen.
LJE programa 180 milioi euroko aparteko funts gehigarri bat da, Lehentasunezko Jarduketa Eremuetan 25 proiektu traktore bultzatzeko eta Enkarterri, Ezkerraldea, Meatzaldea, Oarsoaldea eta Aiaraldea eskualdeei laguntzeko, horiek baitira azken birmoldaketa industrialen ondorioz "zigorrik handienak" jaso dituztenak eta "pandemiaren ondoriozko eragin ekonomikoa biziago jasan dutenak".
Hala, Gobernuak azaldu duenez, "ekonomia eta enplegua suspertzeko Berpiztu Planean sartutako aurrekontu-ekimen baten bidez lurraldea berrorekatzeko jarduketa hura osatu egiten da, orain, izaera bereko baina irismen orokorragoko beste jarduera batekin, betiere autonomia-erkidegoen eskumenekoak diren gaietan inbertsio publikoari bultzada eman dakion". Horietako batzuk Zientzia, Teknologia eta Berrikuntzarako euskal sistemaren egitura teknologikoak indartzera bideratuta daude, baita hezkuntza-azpiegituretara, osasun-azpiegituretara edo azpiegitura judizialetara ere.
Zure interesekoa izan daiteke
Adostasunik ez Villavesetako sindikatuen artean, lan gatazkaren inguruan
UGTren atal sindikalak TCC Moventis enpresak eta Mankomunitateak egindako proposamena sinatuko du. ELAk, LABek, CCOOk eta ATTUk uste dute ez dela nahikoa, eta bi urte iraungita daramatzan hitzarmena hobetzeko borrokan jarraitzearen alde egin dute.
Ehunka medikuk estatutu propioa eskatu dute Donostian, "lanbideagatik eta pazienteengatik"
Gaurko mobilizazioan parte hartu duten medikuak ordu erdi baino gehiago egon dira Donostia Ospitalearen atarian, "Estatutu mediku eta fakultatibo baten alde" lelodun bi pankartarekin eta 24 orduko guardien aurkako hainbatekin.
Telefonicak Andoni Ortuzar izendatu du Movistar Pluseko kontseilari
EAJk adierazi du "normaltasun osoz" ikusten duela Telefonicak jeltzaleen presidente ohia fitxatzea, eta sektorean duen "esperientzia eta eskarmentua" nabarmendu ditu. EH Bilduk salatu du "ate birakarien" kasu berri bat dela hau, eta “lagunkeriari eta joko zikinari” aurre egitea betebehar etikoa dela azpimarratu du.
Pradalesek adierazi du Eusko Jaurlaritza lanean ari dela lau enpresa-proiektu Euskadira erakartzeko
Lehendakariak adierazi du "etengabeko aldaketa-aro" bat bizi dela maila globalean, "inoiz ezagutu ez den ezegonkortasun batera" garamatzana, eta uste du erantzuna "nork bere gaitasunak aktibatzea, erritmo handiagoa ezartzea eta indarrak batzea" dela. Gainera, "atzerriko inbertsioa" erakartzearen alde egin du.
Gasteizko Mercedesen lantegiko beharginen batzordeak ordubeteko lanuzteak deitu ditu txanda bakoitzean
Lanuzteak abenduaren 15etik 18ra izango dira, langileen ustez lantegiko "lan-harremanak okertu" direlako. Hiru sindikatu nagusiek salatu dute zuzendaritzak ez dituela bete hartutako erabakiak.
Enpresen kopurua % 0,8 murriztu zen iaz EAEn, baina horiek sortutako enplegua % 1,5 hazi zen
Hiru eskualdek Euskal Autonomia Erkidegoko enplegu osoaren % 68,9 biltzen dute: Bilbo Handiak (% 38,9), Donostialdeak (% 16,6) eta Arabako Lautadak (% 13,3).
CAFek 250 milioi euroko kontratua lortu du Frantzian, eskualdeko 22 tren hornitzeko
CAF eta Alstom enpresek osatutako kontsortzioak 22 Regiolis tren hornituko dizkio SNCF Voyageurs operadoreari Proventza-Alpeak-Kosta Urdina eskualderako. CAFek diseinatu eta fabrikatuko ditu trenak, eta Alstom arduratuko da unitaterako zenbait ekipo hornitzeaz.
Medikuen bigarren greba egunaren jarraipena atzokoa baino zerbait handiagoa izan da, Osakidetzaren arabera
Osasun Ministerioak onartu nahi duen Estatutu Markoaren zirriborroaren aurka Espainiako Estatu osoko medikuek deitutako lau eguneko grebarekin bat egin du Euskadiko Medikuen Sindikatuak. Gaurko elkarretaratzea Donostia Ospitalean izan da. Ostiralera arte, ospitaleek eta anbulatorioek gutxieneko zerbitzuetan egingo dute lan, eta larrialdietako eta halabeharrez artatu behar diren patologiak dituzten pazienteei soilik emango diete zerbitzua.
Medikuen sindikatuak dio grebaren eragina "handiagoa" izan dela "ospitaleetan lehen arretan baino"
Osakidetzaren arabera, jarraipena % 17,6koa izan da goizeko txandan eta % 7,6koa arratsaldekoan. EAEko medikuek bat egin dute Medikuen Sindikatuak Estatu osorako egindako lau eguneko grebarekin eta "lanbidearen berezko ezaugarriak islatuko dituen Estatutu propioa" eskatzen dute.
Aurrekontuen osoko zuzenketak atzera bota ditu Eusko Legebiltzarrak, oposizioaren eta EAJren eta PSEren arteko eztabaiden artean
Aurrekontuei jarritako osoko zuzenketak eztabaidatzen ari dira astearte honetan Eusko Legebiltzarrean, proiektua gelditzeko arriskurik gabe. EAJren eta PSE-EEren gehiengo absolutuak 2026ko kontuak tramitatzen jarraitzea bermatzen du, EH Bilduk, PPk, Sumarrek eta Voxek proiektua kritikatu arren.