Lan-istripuen kopuruak % 17 egin du gora Euskadin: iaz baino 4.900 ezbehar gehiago izan dira
2021eko lehen hamaika hilabeteak kontuan izanik, Euskal Autonomia Erkidegoko 33.780 langilek hartu dute laneko baja lan-istripuren batengatik. Iazko epe berari erreparatuta, 4.936 langile gehiagok izan dute istripuren bat, alegia, % 17,1 egin du gora kopuruak. Gainera, hilkortasuna % 25 hazi da, 30 hildakorekin.
Osalanek igorritako datuen arabera, urtarriletik azarora arte, 29.091 izan ziren lanaldiko istripuak (% 17,8 gehiago), eta 'in itinere' jazotakoak, berriz, 3.277 (% 11,6 gehiago). Bestalde, baja ekarri zuten 1.412 birgaixotze izan ziren.
Lanaldian izandako istripuen artean, 28.892 arinak izan ziren, 172 larriak eta 27 hilkorrak. 'In itinere' izandako ezbeharrak 3.250 izan ziren, horietako 24 larriak, eta hiru hildako utzi zituzten, guztira.
Lurraldeka, ezbehar-kopurua % 23 hazi zen Araban, lanaldian gertatutako 5.407 istripurekin; % 18 Bizkaian, 14.639 ezbehar antzeman ondoren, eta % 15 Gipuzkoan, 9.045 ezbeharrekin.
Bestalde, Euskadin 1.232 lan-gaixotasun berri zenbatu ziren urtarriletik azarora bitartean, laneko baja eragin zutenak. Horrek % 9ko gorakada suposatzen du, 2020koen aldean.
Bajarik eragin ez zuten lan-gaixotasunei dagokienez, 1.270 izan ziren, hau da, 2020ko epe berean zenbatutako 1.079 lan-gaixotasunak baino % 17,7 gehiago.
Langile bat hil da Zumaian
Azken lan-istripua larunbat honetan gertatu zen Euskadin. 45 urteko langile bat hil zen Zumaian, lanean izandako istripu baten ondorioz.
Garbitzen ari zen eraikineko teilatutik erori zen behargina, eta lekuan bertan hil zen.
Zure interesekoa izan daiteke
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.