Euskal hitzarmenen lehentasuna bermatuta dago estatukoen aurrean, Bizkaiko patronalaren arabera
Cebek Bizkaiko patronalaren arabera, euskal hitzarmenen lehentasuna bermatuta dagoen estatukoen aurrean, idatziz, 2017tik, eta praktikan. Hori dela eta, ez du ulertzen EAJren eta EH Bilduren jarrera. Ostegunean egingo dute lan erreformaren bozketa Diputatuen Kongresuan, eta, gaur-gaurkoz, EAJk eta EH Bilduk ezezkoari eusten diote.
EAJk hitzarmen autonomikoen lehentasuna bermatzea nahi du. EH Bilduk ere bat egiten du eskaera horrekin, baina harago doa eta gaur egungo lan erreforma bertan behera uzteko eskatzen du. Gaur egun indarrean dagoen lan erreforma PPren gobernuak onartu zuen, Rajoyk gehiengo osoa zuenean.
Ekonomiaren errepasoa egiteko deitutako prentsaurrekoan, lan erreformaren inguruan Espainiako Gobernuak, patronalak eta CCOO eta UGT sindikatuek lorturiko akordioaren garrantzia azpimarratu dute Carolina Perez Toledo Cebekeko presidenteak eta Francisco Javier Azpiazu idazkari nagusiak.
Cebekeko ordezkariek azaldu dutenez, Confebask EAEko patronalak gehiengo sindikalarekin akordio bat sinatu zuen 2017an euskal hitzarmenak lehenesteko, eta, beraz, "euskal lan esparrua babestuta dago".
Francisco Javier Azpiazuk ondorengoa esan du: "Ez dugu zalantzarik prebalentziari buruz. 2017ko lanbide arteko akordioak, mugagabea denak, Euskadin sinatutako akordioak aplikatzeko lehentasuna bermatzen du estatu mailako beste edozeinen gainetik".
Perez Toledoren eta Azpiazuren esanetan, akordioa azpimarratu egin behar da: "Ez da enpresek proposatuko genukeen lan araudia, baina uste dugu azpimarratzekoak direla akordioa, adostasuna eta gizarte eragileek muturreko posizioetatik alde egiteko eta adostasunak aurkitzeko erakutsi duten gaitasuna". "Euskadin nahiko genuke akordioak lortzeko aukera hori izatea gehiengoa duten sindikatuekin", esan du Cebekeko presidenteak.
Albiste gehiago ekonomia
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Jauregi sailburua Ministerioarekin bilduko da astearte honetan Euskadiko inbertsio elektrikoa aztertzeko
Joan Groizard Energiaren Estatu idazkariarekin batzartuko da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.
Zuhurtzia eta itxaropena Balenciaga ontziolaren erosketaren aurrean
Zumaiako ontziola itxieratik salbatzear egon liteke Arabiar Emirerri Batuetako talde batek erosteko interesa agertu ostean. Albiste horren aurrean, Enpresa Batzordea eta Eusko Jaurlaritzako Industria sailburua baikor agertu dira. Hala ere, tentuz ibiltzeko eskatu dute, erosketa oraindik ez baitago itxita. Zumaian ere poza eta esperantza zabaldu ditu berriak.
Epaileak Balenciaga ontziola erosteko baimena eman die Abu Dhabi Ports eta Premier Marine enpresei
Eragiketa gauzatzen bada, 2024tik indarrean dagoen hartzekodunen konkurtsoari amaiera eman ahal izango dio Zumaiako enpresak.
Gasteizko lorezainen greba "ahalik eta lasterren" amaitzea espero du Etxebarriak
Maider Etxebarria Gasteizko alkatea "baikor" agertu da lorezainen grebaren amaieraren inguruan, "ahalik eta lasterren" amaitzea espero baitu.
Euskadira iritsiko den zenbatekoa jakin zain, Eusko Jaurlaritzak txalotu egin du elektrifikazioan aurreikusitako inbertsioa
Mikel Jauregi Industria sailburua pozik agertu da Rajoyren garaian ezarritako inbertsio-mugak ezabatzeko formulak aurkitu dituelako Espainiako Gobernuak, eta, aldi berean, positibotzat jo du inbertsio-hazkundea neurri handi batean industriari zuzenduta egotea. Datorren astean aldebiko bilera bat egingo dute bi administrazioek, proposamenaren xehetasunak zehazteko.
Espainiako Gobernuak 13.590 milioiko inbertsioa proposatu du sare elektrikoan 2030era arte, % 65 gehiago
Proposamenaren arabera, 14 aldiz handiagoa izango da kontsumitzaile berrientzako garraio-sarerako sarbidea, 27,7 gigawattera arte (GW), eta garrantzi berezia izango dute industriak (9 GW), hidrogeno berdeak (13,1 GW) eta datu-zentroek (3,8 GW). Sorreran, 150 GW fotovoltaiko, 60 GW eoliko eta 100 GW biltegiratze baino gehiagoko eskaerak erregistratu dira.
Gasteizko lorazainek 5.000 sinadura aurkeztu dituzte gatazka konpontzeko bidean Udalaren "benetako inplikazioa" eskatzeko
Martxotik greban dauden Enviser enpresako enpresa batzordeak 5.098 sinadura eraman ditu gaur San Martingo udal bulegoetara. Gasteizko Udalaren inplikazio handiagoa eskatu dute langileek, eta herritarrengandik jaso duten babesa eskertu dute.
KPIa hamarren bat hazi da Euskadin, % 2,8raino, eta bi hamarren jaitsi Nafarroan, % 2,5eraino
Urte arteko tasan, ordea, bi hamarren jaitsi da prezioen indize orokorra Euskadin abuztuan.