Zabalik dago epea gaueko aisialdirako lokalek 70.000 eurorainoko laguntzak eska ditzaten
Gaueko aisialdirako lokalek Jaurlaritzak iragarritako laguntza berriak eska ditzakete gaurtik aurrera. 22 milioi euro bideratu dituzte laguntza horietara, murrizketek eragindako galerak arintzeko; izan ere, oraindik indarrean dago, esaterako, tabernak 01:00etan ixtea agintzen duen legea. Laguntza horiek eskatzeko epea otsailaren 28an amaituko da.
Agindu berria astelehenean argitaratu zen Eusko Legebiltzarraren Aldizkari Ofizialean, Javier Hurtado Turismo, Merkataritza eta Kontsumoko sailburuak Eusko Legebiltzarretik egindako agerraldian baieztatu zuenez. Hala, Euskadiko ostalariek gaurtik aurrera eskatu ahal izango dituzte 2.000 eta 70.000 euro bitarteko laguntza berriak. Laguntzok lizentziaren araberakoak izango dira:
- I. eta III. taldeetan sartzen ez diren II. taldeko establezimenduak, kontzertu-aretoak eta ostalaritza-establezimenduak, 01:00etan ixteko ordutegia dutenak, 2.000 eta 6.000 euro bitartean eskatu ahalko dituzte.
- III. taldeko establezimenduak, pubak eta taberna bereziak, 02:30ean ixten dituztenak, 6.000 eta 25.000 euro bitartean.
- IV. taldeko lokalek, dantza- eta aisialdiko-establezimenduek, 04:30ean ixteko agindua dutenek, 10.000 eta 70.000 bitartean.
Guztira 122 milioi euroko laguntzak jaso ditu EAEko ostalaritza-sektoreak pandemia hasi zenetik. Covid-19ari lotutako lehenengo laguntzak 15 milioi eurokoak izan ziren. Ondoren, 30 milioikoak iritsi ziren ostalaritzarako, eta horietako 8 milioi, gaueko aisialdirako. Gainera, Espainiako Ogasun Ministerioak 45 milioi euro eman zikion ostalaritza-sektoreari.
Orain, Eusko Jaurlaritzak beste 22 milioi euro bideratu ditu gaueko aisialdirako.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.