Argindarraren garestitzeak hainbat altzairutegi, paper-fabrika eta enpresa gelditzea eragin du EAEn
Ukrainako gerrak areagotu duen argindarraren prezioaren etengabeko garestitzeak eta hornidura faltak, jada sektore ezberdinetako euskal enpresetan izan du eragina.
Siderurgiaren sektorean, Arcelorrek Olaberrian duen lantegia gelditu egin dute ordurik garestienetan, eta gaur iragarri dute Sestaoko ACBn ez dutela jarduera igande honetan berrabiaraziko, aurreikusita zegoen moduan, "egoera jasangaitza delako".
Horrez gain, argiaren prezioaren ondorioak papergintzaren sektorean ere nabaritu dituzte. Lucart talde italiarrak Arangurenen duen lantegia gaurtik aurrera itxita egongo da eta Hernaniko Cominter paper-fabrikak gauza bera egingo du aste bukaeran, prezioen gorakada gelditzeko premiazko neurririk hartzen ez bada behintzat.
Halaber, automobilgintza sektorean piezak falta zaizkie. Michelinek ekoizpena etengo du datozen bi asteburuetan eta Mercedes itxita egongo da aste osoan.
Adegi patronalak emandako datuen arabera, Gipuzkoako hamar enpresetatik sei ari dira Errusiaren eta Ukrainaren arteko gerraren ondorioak modu batean edo bestean pairatzen.
Atzo, Arantxa Tapia Ekonomiaren Garapenerako sailburuak adierazi zuen Euskadi eta Europar Batasuna "larrialdi energetikoan" daudela eta salbuespeneko neurriak behar direla argindarraren prezioaren gorakada gelditzeko eta, ondorioz, enpresa gehiagok beren jarduera eten behar izatea saihesteko.
Gaur, Iñigo Urkullu lehendakariak azpimarratu du Errusiaren inbasioak "gerra ekonomikoa" piztu duela eta horren ondorioak oso gogorrak izango direla ohartarazi du.
Albiste gehiago ekonomia
Eusko Jaurlaritzak bertan behera utzi du 2025-2026ko angularen arrantzaren kanpaina, espeziearen egoera "kritikoa" dela eta
Erabakia hainbat txostenetan oinarritzen da, zeintzuetan ohartarazten baiten orain arte aplikatutako neurriek ez dutela balio izan espeziearen egoera kritikoa lehengoratzeko. Sailak azpimarratu du beharrezkoa dela espeziea berreskuratzeko neurriak indartzea egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.