Tapia: "Lehen erabakia europarra izan behar da eta elektrizitatearen eta gasaren lotura eten egin behar da"
Ukrainako gerraren testuinguruan energiaren kostuan nabarmen igotzen ari den honetan, energiaren prezioaren igoeraz eta menpekotasun energetikoaz hitz egin du gaur goizean Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumeneko sailburuak ETB1eko "Egun on Euskadi" saioan egin dioten elkarrizketan. Argindarraren prezioaren gorakada gelditzeko lehen erabakia Europar Batasunetik etorri behar duela uste du, eta horretarako elektrizitatearen eta gasaren arteko lotura etetea defendatu du. Izan ere, gaur egun gasak markatzen du, nolabait, elektrizitatearen prezioa.
Bestalde, energia bertan ekoizteko apustua egin eta hori gauzatzeko erabakiak hartu behar direla nabarmendu du Tapiak. Sailburuak emandako datuen arabera, gaur egun kanpotik dator kontsumitzen den energiaren % 90. Energia berriztagarrien apustua benetakoa izan behar dela eta kasu horretan proiektuak azkartu egin behar direla uste du.
Gertuko energiaz hitz egiterakoan eta energia berriztagarriei lotuta, parke eolikoak eta fotovoltaikoak izan ditu ahotan.
Energia nuklearrari buruz galdetuta, ate hori Euskal Autonomia Erkidegoan itxita dagoela iritzi dio: "Eztabaida hori gurean itxita dago, baina Frantziak adibidez 20 zentral nuklear zabaltzeko apustua egin du".
Tapiaren iritziz, egoerari aurre egiteko diru-laguntzak Europatik iritsiko dira: "Emergentzia egoera batean gaude, egoera berezia da eta laguntza nagusiak Europatik ezarriko dira".
Testuinguru berri honek trantsizio energetikoa atzeratu ote dezakeen galdetuta, helburuak aldatu gabe bidea aldatzeko aukera ikusten du sailburuak.
Langileen balizko soldata igoeraz ere hitz egin du: "Hainbat aldagai hartu behar dira kontuan eta elkarrizketa mahaia hori aztertzeko leku aproposa da".
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.