Erregaiaren prezioak gutxienez 20 zentimoko hobaria izango du litro bakoitzeko kontsumitzaile guztientzat
Erregaiak hobariak izango ditu orokorrean, gutxienez 20 zentimokoak litro bakoitzeko, kontsumitzaileentzat zein garraio alorreko profesionalentzat. Bihar, asteartea, Ministroen Kontseiluak onartuko dituen neurri garrantzitsuenetariko bat da. Gaur aurreratu ditu Pedro Sanchez Espainiako Gobernuko presidenteak, hitzaldi batean.
Estatuak 15 zentimo jarriko ditu, eta gutxienez 5, petrolio-enpresek. Izan ere, Sanchezek azaldu du petrolio-enpresen laguntza handiagoa izan daitekeela, eta batzuk horrela egiten ari direla dagoeneko.
Era berean, Sanchezek iragarri du Espainiak eta Portugalek argindarraren fakturan gas naturalaren erreferentziazko prezioa murrizteko proposamena egingo diotela Europako Batzordeari, aurreko astean onartutako "iberiar salbuespena" baliatuta.
Aurreko ostiraleko Europako Kontseiluaren bileran baimena eman zieten Iberiar penintsulako bi estatuei, salbuespen neurri gisa argindarraren prezioa murriztu dezaten, "uharte energetikoa" osatzen dutelako.
Zentzu horretan, Sanchezek neurria defendatu du ez delako "gasari dirulaguntzak ematea", ezta "energia berriztagarrientzako pizgarriak apurtzea". Era berean, "ez du desitxuratzen Europako argindarraren merkatua", baina "elektrizitatearen prezioak berehala jaistea ahalbidetuko du".
Txoke-plana
Erregaiaren hobari orokorra eta argindarraren prezioaren beherapena gerraren ondorio ekonomikoen aurkako txoke-planaren zati bat dira. Bihar onartuko du Ministro Kontseiluak, 16.000 milioi euroko balioarekin: 6.000 milioi laguntza zuzenetan eta zerga-beherapenetan, eta 10.000 milioi gehiago ICO kredituetan.
Planaren helburua da "sektore eta herritar zaurgarriak babestea" eta "gerraren ondorio negatiboak modu bidezkoan banatzea", baita "dagoeneko hasi dugun susperraldi ekonomikoaren eta enpleguaren sorreraren bidea ahalik eta gehien babestea ere".
Era berean, alokairuen igoera % 2ra mugatuko da, % 15 handituko da bizitzeko gutxieneko diru-sarreraren zenbatekoa, eta bonu elektriko soziala beste 600.000 familiari zabalduko zaie; beraz, ia bi milioi etxetara iritsiko da.
Energiari dagokionez, gasaren prezioaren mugaz gain, berriztagarrien, kogenerazioaren eta hondakinen ordainsari-sistemaren eguneratze bat aurreratu du Sanchezek, 1.800 milioiko beherapena ekarriko duena. Ekainaren 30era arte luzatuko da, halaber, merkatu elektrikoan "gehiegizko etekinak" murrizteko mekanismoa.
Gobernuko presidenteak batasun politikoa eskatu du egoera honen aurrean. "Zer gehiago gertatu behar da bat eginda erantzuteko?", galdetu du.
Albiste gehiago ekonomia
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.