Olatz Garamendi, egonkortze prozesuaz: "Eskaini daitezkeen lanpostu huts guztiak ateratzen ari gara"
Eusko Jaurlaritzak 8.764 lanpostuko lan eskaintza publikoa onartu du aste honetan 2022rako. Testuinguru horretan eta sindikatuek lanpostuak egonkortzeko prozesuaren inguruan egindako kritiken aurrean, Olatz Garamendi sailburuak azpimarratu du eskaini daitezkeen lanpostu huts guztiak ateratzen ari direla, eta gaur egungo behin-behinekotasunarekin amaitzeko lehen interesatua administrazioa bera dela.
Radio Euskadiko "Boulevard" saioan egin dioten elkarrizketan Eusko Jaurlaritzako Gobernantza Publiko eta Autogobernuko sailburuak adierazi duenez, Euskal Autonomia Erkidegoko Administrazio Orokorrak egiturazko 6.315 lanpostu ditu gaur egun eta, egonkortze prozesuaren bitartez, 3.683 plaza esleituko dira, "eskaini daitezkeen lanpostu huts guztiak" (% 61 meritu lehiaketa bidez, azterketarik gabe, eta gainerakoak oposizio lehiaketa bidez). Lehen fasean, Administrazio Orokorrean 1272 plaza betetzeko deialdia egin du Eusko Jaurlaritzak eta, sailburuaren esanetan, 48 orduan 5.000 eskari baino gehiago jaso dituzte.
Garamendik onartu du behin-behinekotasuna murriztea heldu behar zaion "erronka" bat dela, eta ondoren Lan Eskaintza Publikoak (LEP) berriro ere prozesu arruntak izan daitezen lortu behar dela. Edonola ere, baikor mintzatu da, eta sektorearen behin-behinekotasuna % 8ra jaisteko helburua lortuko dela uste du.
Bestalde, sailburuaren hitzetan Espainiako Gobernua ez da betetzen ari "emandako hitza, ezta Estatutua ere". Gaineratu duenez, "ez dago aitzakiarik" falta diren eskumenak Eusko Jaurlaritzari eskualdatzeko. "Borondatea ez da hitzekin bakarrik adierazten, ekintzekin baizik", nabarmendu. Sailburuaren arabera, euskal administrazioa "prest" dago transferentzien egutegian jasotako gai guztiak negoziatzeko, baita Gizarte Segurantzaren kudeaketa ere.
Bestalde, ez dio kezka eragiten Pedro Sanchezen legegintzaldia lehenago amaitzean aukerak: "Kontua ez da legegintzaldia amaituko den ala ez, legegintzaldia bizirik dagoen honetan akordioak betetzen diren ala ez baizik".
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.