Caritasek ohartarazi duenez, pertsona zaurgarrienak "ikaragarri" nabaritzen ari dira prezioen igoera
Angel Iriarte Iruñea-Tuterako Elizbarrutiko Caritaseko zuzendariak 2022ko Tonbola aurkeztu du larunbat honetan Iruñean eta, bertan ohartarazi duenez, krisi energetikoa eta Ukrainako gerrak eragindakoa "larriki" kaltetzen ari dira pertsona zaurgarrienak.
"Oraindik 2008ko krisian murgilduta geundela, pandemia etorri zitzaigun, eta pandemiaren krisitik atera gabe, krisi energetikoa eta Ukrainakoa etorri zaizkigu", deitoratu du. "Familia asko zeharo kaltetzen ditu" egoera horrek.
Zentzu horretan, Errenta Bermatuaren garrantzia nabarmendu du "pobrezia eta bazterketa gelditzeko" tresna gisa, baina azpimarratu du ez dela "hagaxka magikoa".
"Gutako edonor Errenta Bermatuarekin bakarrik biziz gero, 600 euro jasoko ditu hilean", azaldu du. "Ez dut uste inork hilabetea 600 eurorekin amaituko duenik argindarra, ura, hipoteka, alokairua, elikagaiak, arropa... ordaindu behar baditu", adierazi du. Hori dela eta, azpimarratu du prestazio hori "oso laguntza handia" dela eta mantendu beharra dagoela, baina ez dela "arazo oro konponduko duen hagaxka magikoa".
Uneko egoerari buruz galdetuta, Iriartek Caritasen arretaren areagotzea aipatu du, mugen irekieraren ostean. Izan ere, itxita egon izan dira pandemiagatik. Egoera horren ondorioz, "ez zen jende berririk iristen", eta orain "guztiz aldatu da" hori, bereziki Kolonbiatik, Perutik, Erdialdeko Amerikatik eta Marokotik iritsitako pertsonekin.
Bestalde, azpimarratu du pandemiak ez digula arazo berririk ekarri, "aurretik genituenak larritu baizik, eta bertan zeudela ohartzen ez ginen arazoak argitara atera". Horietako bat, azaldu duenez, eten digitala da; "informatikarekin aritzen ez diren pertsonentzako bazterketa modu berri bat", haren ustez.
Gainera, nabarmendu du pandemiak "ikaragarrizko eragina" izan duela buruko osasunean, gazteen artean batez ere.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.