Hego Euskal Herriko herritarren % 15,35 pobrezia edo bazterketa arriskuan daude
Pobrezia edo bazterketa arriskuan dagoen biztanleriaren kopuruak gora egin zuen iaz Hego Euskal Herrian, eta % 15,35ean kokatu zen. Hala ere, Nafarroak Espainiako Estatuko tasarik txikiena du, % 14,7. Euskal Autonomia Erkidegoan, pobrezia eta bazterketa arriskuak gora egin zuen iaz % 16raino. 2020an, % 13,9ko portzentajea izan zuen EAEk.
Espainiako Estatistika Institutuak (INE) Bizi-baldintzen Inkesta argitaratu du asteazken honetan. Espainiako Estatuan herritarren % 27,8 pobrezia arriskuan daude, iaz baino zortzi hamarren gehiago.
Arope tasaren definizio baten bidez zenbatu dute portzentajea, hiru egoera hauetako batean aurkitzen den biztanleria neurtuz: pobrezia arriskua, gabezia material eta sozial larria edo enplegu jarduera txikia.
Euskadik pertsonako batez besteko dirusarrera altuenak izan zituen Estatu mailan, 15.544 euro; ondoren Foru Erkidegoak, 15.269 euro. Espainiako batez bestekoa 12.269 eurokoa izan zen 2021ean.
Hala ere, Euskadiko dirusarrerak 2020an baino % 1,7 txikiagoak izan ziren. Orduan, batez beste 15.813 eurokoak izan ziren, Estatu osoko altuenak ere.
Pobrezia arriskuak gora egin zuen Euskadin 2020rekin alderatuta; % 9,8an kokatu zen, hau da, 2,2 puntu handiagoa. Estatuko bigarren tasarik txikiena da. Portzentajerik txikiena Nafarroak du.
Oporrak, gastuak eta ordainketak
Bestalde, INEk familien zailtasun ekonomikoak aztertu ditu: gutxienez astebetez oporretan joan ahal izatea, espero ez diren gastuei aurre egiteko gaitasuna, ordainketak atzeratzera behartuak izatea eta hilabete bukaerara iristeko zailtasunak.
Dirusarrerekin hilabete bukaerara iristeko zailtasun handiak dituzte herritarren % 4,6k EAEn; Estatuan % 8,8k. Euskadi zailtasun txikienak dituen bigarren erkidegoa da, Errioxaren (% 3,1) atzetik.
Gutxienez astebetez oporretan joaterik ez duten biztanleen portzentajea % 16,4koa da EAEn, 2020an baino gutxiago (% 18). Espero ez diren gastuei aurre egiteko pertsonen proportzioak ere hobera egin du; izan ere, % 19tik (2020) % 18,4ra murriztu da 2021ean.
Bi portzentajeak Estatuko txikienak dira. Espainiako herritarren % 32,7k ezin dute oporretan joan, eta % 33,4k ezin diete gastuei aurre egin.
Azkenik, Euskadiko herritarren % 8,8k ordainketak atzeratu behar dituzte, bigarren portzentajerik baxuena, Errioxaren atzetik. Estatuko batez bestekoa % 14,4koa da.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.