Bruselak gasa aurrezteko egitasmoa aurkeztuko du gaur, Moskuk hornidura mozteko aukeraren aurrean
Europar Batasunean gas eskaera murrizteko egitasmoa aurkeztuko du Europako Batzordeak gaur, asteazkenerakin, neguan Errusiak hornidura eteteko mehatxuaren aurrean.
Zirriborroaren arabera, etxebizitzetan eta eraikin publikoetan neurriak hartzea, kontsumoa murrizten duten enpresak diruz laguntzea eta erregaia aldatzen duten industrientzako pizgarriak aurreikusten ditu proposamenak.
Bide horiek agortuta soilik, gas hornidura murrizteko edo mugatzeko aukera jarriko dute mahai gainean, azken baliabide gisa eta larrialdi kasuetan. Hala ere, etxebizitzen eta gainerako "kontsumitzaile babestuen" hornidurak bermaturik jarraituko luke, Europako arauen arabera.
Batzordearen hitzetan, 2016-2021 epeko batez bestekoarekin alderatuta, Errusiako gasaren fluxua % 30 murriztu da jadanik; hein handi batean, Gazprom konpainiaren "aldebakarreko" ekintza "justifika ezinen" ondorioz. Gainera, egoerak okerrera egin dezake.
Premisa: oraintxe gasa murrizten hastea
Udan bertan, oraintxe gas eskaera murrizten hastea da Bruselaren premisa. Erakundeak uste duenez, denbora tarte batean eta pixkanaka egitea, beranduago modu "drastikoan" eta "prestakuntza egokirik gabe" egitea baino merkeagoa izango da.
Hornidura bat-batean eteteak Europako ekonomian izan dezakeen eragina heren bat murriztuko luke neurriak orain hartzeak, Bruselak ziurtatu duenez.
Horretarako, eraikin publikoak, bulegoak edo merkataritza-guneak hozteko tenperatura minimoa eta berotzeko maximoa mugatzea proposatu du Batzordeak, baita etxebizitzen termostatoa gradu bat jaisteko kanpainak aurrera eramatea ere.
Industria
Industriako kontsumitzaileei dagokionez, posible denean, gasa beste erregai batekin ordezkatzea planteatuko du erakundeak. Aldaketa aurrera eramateko Europako araudiak dirulaguntza publikoak baimentzen dituela gogorarazi du, batez ere, garrantzi handiko sektoreetan.
Gainera, erregai alternatiboa gasa baino kutsakorragoa izan daiteke. Zentzu horretan, isurien inguruko arauek mugak aldi baterako indargabetzeko aukera ematen dute, hornidura mantentzeko beharrezkoa baldin bada.
Bestalde, gas kontsumoa murriztera ausartzen diren enpresak laguntzeko aukera aurreikusten du Batzordeak; adibidez, mugaz gaindiko enkanteen eta lizitazioen bidez.
Azkenik, "etete kontratuak" izenekoak beste aukera bat lirateke. Deskonexio epe batean, gas kontsumoa murrizteko finantziazioa eskainiko lukete.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.