Berogailua jaistea edo arropa aire librean lehortzea, energia aurrezteko Bruselaren aholkuak
Neguari begira energia aurrezten "laguntzeko", herritarrak animatzea eskatu die Europako Batzordeak estatu kideei, Errusiak gas hornidura guztiz eten dezakeelako. Berogailua jaitsi edo arropa aire librean lehortzeko kanpainak abiatzea aldarrikatu du Bruselak.
Abuztuaren 1etik 2023ko martxoaren 31ra gas kontsumoa % 15 murrizteko proposamena aurkeztu du Europako Batzordeak. EBko Exekutiboak ez du etxebizitzentzako errazionamendurik proposatzen, "babesa duten bezeroak" direlako, EBko hornidura segurtasun araudiaren arabera.
Horregatik, etxebizitza pribatuak "eskasiak eragiten azkenak" izango liratekeela argi utzi du Bruselak. "Ustekabekorik ezean, Errusiak hornidura eteten baldin badu ere, ez lieke zuzenean eragingo", erantsi du.
Hala ere, "EB guztiko etxeak energia aurrezteko ariketa sozialean laguntzera animatu ditu".
Berogailua jaitsi edo aire girotua tenperatura altuagoan jartzea, arropa zintzilik lehortzea, beharrezkoak ez diren argiak itzaltzea eta, posible denean, etxebizitzen isolamendua hobetzea aipatu ditu Europako Batzordeak.
"Gau osoan hutsik dauden bulego eraikinetan edo dendetan argiak piztuta behar ditugu? Aire girotua 20 graduan izatea beharrezkoa al da? Altuagoa egoterik badu. Noski, horrek gure erosotasunari kalte egingo dio, baina gure kontsumoa asko murriztuko du", adierazi du Frans Timmermans EBko lehen presidenteordeak, proposamenaren aurkezpenean.
"Pauso indibidualek, modu bateratuan ematen direnean, aurrezpen esanguratsuak lortzen dituzte: berogailuan soilik termostatoaren tenperatura jaisteak urtean 10 bcm aurreztu ditzake", esan du Batzordeak ohar batean.
"Berotzeko eta hozteko orduan gastua murrizteko sentsibilizazio publikorako kanpainak abiatzea eskatu die Batzordeak estatu kide guztiei, baita EBren 'energia aurrezteko komunikazioa' ezartzea, epe laburrera aurrezpen aukera ugari dituelako", gaineratu du agiriak.
Albiste gehiago ekonomia
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.
Eusko Jaurlaritzak "ezohiko" gutxieneko zerbitzuak ezarri dizkio Gasteizko lorezainen grebari
Horiek finkatzerakoan, Ekonomia, Lan eta Enplegu Sailak Gasteizko Udaltzaingoaren eta suhiltzaileen bi txosten hartu ditu kontuan, "berdegune batzuen eta hiri-bide batzuen egungo egoeraren arriskuaz ohartarazten dutenak".
Hasi dira Avanza Gipuzkoa autobus konpainiako langileek antolatutako grebak
Asteburu honetan hasi dira lehen greba egunak, eta hurrengo asteburuetan ere luzatuko da.
Goia: ''Badirudi tasa turistikoa ezartzearen atarian gaudela''
Donostiako alkateak esan du horixe nahi izan dutela "beti", "turismoak sortzen duen aberastasunaz hiria ere aprobetxatzeko".
Emakumeen laneratzea, EAEko gizarteak azken 40 urteetan bizi izan duen aldaketa nagusienetako bat
1985. urtean, enplegu bat zeukaten pertsona guztien artean % 28 soilik ziren emakumeak. Gaur egun, ia erdiak dira (% 48). Etxetik kanpora lan egiten duten emakumeen ehunekoari begiratuta, aldeak oso handiak dira: % 31 80ko hamarkadan eta % 72 orain.