Bruselak gasa borondatez % 15 murriztea proposatu die Europar Batasuneko estatuei
Europako Batzordeak (EB) Europar Batasuneko herrialdeei eskatu die abuztuaren 1etik 2023ko martxoaren 31ra bitartean % 15 murriztea gas-kontsumoa. Etxeetan, enpresetan eta sektore publikoan aurrezteko neurriak hartzeko eskatu du Errusiak gas-hornidura etengo balu prest egoteko.
"Gasa aurreztu, negu seguru baterako" izeneko planak, Gobernuei dei egiten die kanpainak egin ditzaten etxeetan termostatoa jaisteko, eraikin publikoetan berogailua edo aire girotua mugatzeko eta industriari pizgarriak emateko erregai alternatiboak erabil ditzaten edo gasaren kontsumoa murriztu dezaten ahal denean.
Neurri horiek lagundu beharko lukete kontsumoa % 15 murrizten datozen urteetan, azken bosturteko kontsumoarekin alderatuta.
Oraingoz borondatezkoa izango da neurria, baina, Europako Batzordeak proposatutako erregulazioak aurreikusten du Batzordeak derrigorrez ere ezarri ahal izatea gas-eskaria murrizteko nahitaezko jomugak, baldin eta horniduraren segurtasunari buruzko "alerta" bat ezartzen badu Batasun osoan. Alarma hori ezarriko litzateke gas-urritasun larria dagoela ikusiko balitz edo ohiz kanpoko eskaria egongo balitz.
Gainera, estatu kideek larrialdi-planak eguneratu beharko dituzte iraila amaitu baino lehen, gas-kontsumoa % 15 murrizteko helburua betetzeko neurriekin, eta bi hilean behin horren berri eman beharko diote Europako Exekutiboari.
Halaber, gas solidarioaren hornidura eskatzen duten EBko herrialdeek frogatu egin beharko dute beren barne-merkatuan eskaria murrizteko beharrezko neurriak hartu dituztela.
Zure interesekoa izan daiteke
Espainiako Gobernuak Tubos Reunidosen bideragarritasuna bilatzeko "bide guztiak" aztertuko dituela ziurtatu du Cuerpok
Josu Estarrona EH Bilduren senatariak egindako galderari erantzunez, Carlos Cuerpo Gobernuko lehen presidenteorde eta Ekonomia ministroak adierazi du Gobernuak "datozen asteetan" aztertuko duela Tubos Reunidosen egoera. Izan ere, gaur egun hartzekodunen konkurtsoan dago, eta konpromisoa hartu du "bide legal guztiak" aztertzeko, "estrategikotzat" jotzen duen enpresaren bideragarritasuna bilatzeko asmoz.
Nola eska dezaket emantzipaziorako dirulaguntza?
23 eta 29 urte bitarteko gazteek Emantzipa dirulaguntza eska dezakete gaurtik aurrera.
Epaileak Tubos Reunidoseko konkurtso-administratzailea, enpresa eta sindikatuak deitu ditu hilaren 26rako
Tubos Reunidos taldeko zazpi sozietate borondatezko hartzekodunen konkurtsoan deklaratu ditu Gasteizko epaitegi batek, eta PKF Attest Concursal SL Profesional izendatu du konkurtso-administratzaile.
Gorenak ebatzi du behin-behinekotasunaren abusua jasan duen langileek oposizioa gaindituta izan beharko dutela plaza finkoa lortzeko
Gorenaren argudioa da oposizioa gainditu ez duten langileak finko egiteak Konstituzioa eta Langile Publikoen Estatutua urratuko lituzkeela.
Tubos Reunidosen zuzendaritzak autobusak jarri ditu, lanera itzuli nahi duten langileentzat
Greba mugagabearekin ez jarraitzea eta lanera itzultzea erabaki duten langileen eskariari erantzunez, langileak autobusez joan ahal izango dira Amurrioko lantegira. Pasa den ostegunean, 232 langilek greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka.
Langile bat larri zauritu da tren batek harrapatuta, Manzanosen (Araba)
Tren-zirkulazioa eten egin da, baina pixkanaka bere onera itzuli da 16:00ak alderako.
Murgan zabaldutako lantegi berriarekin hirukoiztu egingo dute Etorki eta Lana enpresek zur zerratuaren ekoizpena, eta 100 lanpostu sortuko dituzte
Etorki eta Lana kooperatibek aurten erabaki dute bat egite, guztira 300 langile baino gehiago dituzte eta 150 milioi euroko fakturazioa dute. Lantegiak 12,8 milioi euroko laguntza izan du Eusko Jaurlaritzarentzat, inbertsioaren % 20.
Euskal ekonomiaren "termometroa" hazkunde apaleko eremura jaitsi da, esportazioengatik
Eusko Jaurlaritzak zabaldutako datuen arabera, EAEko ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.
Abiadura handiko trena Abandotik iritsiko da Bilbora, behin-behinean, epeak aurreratzeko
Abiadura handiko trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 bat metro karratu erabiliko dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.