Eusebio Arantzamendi: "Merkatuan prezioak mantentzeko, ona da hegaluzearen kanpaina luzatzea"
Ohi baino mantsoago doa hegaluzearen kanpaina, izan ere, iaz urte sasoi honetarako amaituta bazen ere, aurten, ezarritako kuotaren % 53,5 arrantzatu dute.
Eusebio Arantzamendi Bizkaiko Arrantzaleen Kofradien Federazioko presidenteak Euskadi Irratiko Faktorian azaldu duenez, "kanpaina ondo doa, hegaluzearen kanpaina luzatzea hobea da nire ustez, zeren merkatuan freskoan egunean egunean saltzen dira kilo batzuk eta prezioak mantentzeko hobea da luzatzea".
Halere, txanponaren ifrentzuan, erregaien kostuaren gorakada dago". "Luzatzeak arazo bat dakar, gasolio ere gehiago gastatuko dutela ontziek, eta beraz, kanpainaren amaieran ikusi beharko da zenbat harrapatzen den, zein preziotan saltzen den eta erregaietan zenbat gastatu den". Arantzamendik dio kanpaina amaitzean egin beharko direla balantze ekonomikoak.
Kanpaina luzatzearen zergatiaz galdetuta, berez, normala, oraingoa dela diote arrantzaleek. "Ikusten dugun kostera lehenagokoaren gisakoa da, joan den lau edo bost urtera arte ez dugu inoiz amaitu kuotarik. Normala ez zena zen, hilabete eta erdian kuota amaitzea".
Kanpainak orain arteko erritmoari eusten badio, urriaren erdira arte edo luzatuko da Arantzamendiren ustez.
Kofradien Federazioko presidenteak azaldu duenez, "arrain motza da gertu dabilena, atun handia urrunago dago eta gertu dagoena hegaluze txikiagoa da. Antxoa asko dago gainera kostan eta hori jatera dator atuna. Badakigu janik topatzen ez badu paso egiten duela atunak".
Hain zuzen, antxoaren kanpaina ere ondo doala deritzo, "oraindik 600 edo 700 mila kilo falta dira kuota osatzeko. Txalupa gutxiago dago eta eguneko kupoa ere txikiagoa da eta beraz, denboran luzatzen ari da antxoaren kanpaina ere".
Sektorearen etorkizunaz galdetuta, Arantzamendik azaldu du belaunaldi aldaketa kezka iturri dutela sektorean, batez ere titulua edo formakuntza eskatzen duten postuetarako. "Eskolan badabil jendea, baina formakuntza jasotzen dutenen lautik hiru tailerretara joaten dira lanera, mantenu lanetara. Zaila da gazteak itsasora joateko konbentzitzea". Izan ere, aitortzen duenez, "itsasora doanak bokazioa behar du. Tailerrera doanak bere orduak sartu eta hortik kanpo libre da. Itsasoan, aldiz, ez dago ihesbiderik, 8-10 edo 20 egun bertan igaro behar dituzu".
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.