Likidotutako gas naturaleko Bilboko Portuko bigarren zamalekuaren abiaraztea bizkortzea eskatu du Tapiak
Likidotutako gas naturaleko Bilboko Portuko bigarren zamalekuaren abiaraztea "nabarmen" bizkortzea eskatu du Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumeneko sailburuak asteazken honetan, Madrilen, Energiako Batzar Sektorialean. Tapiak, halaber, segurtasuneko erregulazio-baliabideak ere galdegin ditu, bermatzeko likidotutako gas naturala daramaten kontratatutako itsasontziak heldu egiten direla, eta eskatu ere eskatu du gasbidearen konexio-ahalmena hobetzea, Irunen bidez.
Batzarrean, Arantxa Tapiak esker ona agertu dio Espainiako Gobernuari, Eusko Jaurlaritzak egindako iradokizun jakin batzuk kontuan izan baititu, hain zuzen ere industria intentsiboaren eteteko gaitasuneko eta kogenerazioko baliabideak aktibatzea. Zehaztu duenez, "oso ongietorriak" dira neurri horiek, euskal industriako zati garrantzitsu baten aldetik, "enpresa batzuk aldi baterako eteten ari baitira ekoizpena, prezio altuen ondorioz".
Euskadik nahi du Espainiak "nabarmen" bizkortzea likidotutako gas naturaleko Bilboko Portuko bigarren zamalekuaren abiaraztea; gainera, gogora ekarri duenez, uztailean, Nazioaren Politikako Eztabaidan, konpromiso hori adostu zuten.
Gainera, azpimarratu du Jaurlaritzak interesa duela Irunen bidez gasbidearen konexio-ahalmena hobetzeko, eta eskatu du ostiraleko Ministroen Kontseiluan gaia jorratzea: "Hobekuntza hori ez da nahikoa izango; gero, hainbat ekintza gauzatu beharko dira, frantziar Estatuan".
Gogorarazi duenez, Euskadiko Kontingentzia Energetikoaren Planak aurreikusita ditu beste neurri garrantzitsu batzuk ere; esate baterako, segurtasuneko erregulazio-baliabideak aktibatzea, bermatzeko gas natural likidotua daramaten kontratatutako itsasontziak heldu egiten direla: "Pandemia-garaian musukoekin gertaturikoa saihestu behar da", azaldu du.
"Egun, nolabaiteko hornitze-segurtasuna izan dezakegu, baina, nola prezioak igotzen ari diren, edo lehiakortasuna egon daitekeen, agian itsasontzi horietako baten bat desager liteke", ohartarazi du.
Europako Ministroen Kontseilari begira, eskatu dio Espainiako Gobernuari hau proposatzeko: CO2ko isurpenen kontrolarekin lotutako doikuntza-baliabideak bizkortzea mugetan; bestela, "ona ez den lehiakortasuna ari gara sortzen, bereziki une honetan da txarra".
Halaber, uste du bizkortu behar direla, Europa mailan, energia eolikoak sortzeko azpiegituren tramitazioak. Halaber, adierazi du lan egin behar dela Europako industria horniketa-kateetan egon dadin.
"2030ean, 500 GW horietara iritsi behar gara. Zortzi urte geratzen dira, eta denok dakidu horrelako ekintzak abian jartzeko denbora luzea behar dela, sei edo zazpi urte", zehaztu du Tapiak Batzarrean. Berretsi egin du beharrezkoa dela "tramitazio horiek guztiak bizkortzea, eta ziurtatzea europar industria hornitze-kate guztietan izango dela".
"Ez diot protekzionismorik egon beharko litzatekeenik; nik diot europar industriak ezin duela kalterik jasan beste batzuek ekoizten dutelako prezio askoz ere txikiagoetan, guk Europan hori ezin dugulako", aldarrikatu du.
Albiste gehiago ekonomia
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.
Gipuzkoako erreferentziazko prezioen indizea argitaratu dute, asteazkenetik aurrera alokairuak mugatzeko
Donostian, Irunen, Errenterian, Lasarte-Orian eta Zumaian izango du eragina. Hileko errenta zehazteko, hainbat datu sartu beharko dira, hala nola katastroko erreferentzia eta higiezinaren helbidea, energia-ziurtagiria, planta eta kontserbazio-egoera. Horrela, higiezin horri aplikatu beharreko alokairu-prezioen tarte objektibo bat lortuko da.
BBVAk iragarri du azaroan akzio bakoitzeko 0,32 euroko dibidendua emango duela
Erakundearen "historiako dibidendu altuena" da, eta akzioen trukean parte hartuko duten Sabadell bankuko akziodunek ere jasoko dutela ziurtatu du bankuak.
Maderas de Llodioko langileek salatu dute erakundeek jarrera pasiboa dutela enplegu-erregulazioko espedientearen aurrean
Langileen batzordeak adierazi duenez, ekoizpenaren % 40 Laudiotik kanpo eramango lukete, eta horrek eskualdearen etorkizun ekonomikoa arriskuan jarriko luke.
Sentsore kuantikoak garatzeko eta ekoizteko laborategia jarri du martxan Tecnaliak Zamudion
Bost milioi euroko inbertsioa izan du eta aitzindaria izango da Europan, sentsore kuantiko horiek aurrerapen handiak ekarriko baitituzte industriarako material berriak sortzeko, mugikortasuna errazteko, eta, osasun arloan, minbiziak garaiz detektatzeko.
ELAk, LABek, Steilasek, ESKk, Etxaldek eta Hiruk Confebask demandatu egingo dute, gutxieneko soldata propioa negoziatu ezean
Kontziliazio eskaera bat erregistratu dute, "patronala negoziatzera behartzeko", EAErako gutxieneko soldataren inguruan, eta gatazkan bitartekari gisa aritzeko eskatu diote Eusko Jaurlaritzari.