Pentsioen erreforman zintzilik geratzen diren neurriak adosteko bilerak, datozen asteetan
Pentsioen erreforman zintzilik geratzen diren bi gaiak negoziatzen jarraitzeko biltzea adostu dute Espainiako Gobernuak eta gizarte eragileek astelehen honetan. Hala ere, ez dute hitzordurik zehaztu. Pentsio maximoaren zein minimoaren igoera progresiboa, eta kotizazioaren azken urteak onenak izan ez direlako ordainsaria murriztuta ikusten duten langileen pentsioa kalkulatzeko ekitate handiagoa adostu behar dituzte.
Borja Suarez Gizarte Segurantza eta Pentsioen Estatu idazkaria sindikatu eta enpresaburuen ordezkariekin bildu da goizean, elkarrizketari berriro heltzeko eta iaz abiatutako erreforma ixteko.
Era berean, Rosa Santos CEOEren Lan Harremanetarako zuzendaria; Teresa Diaz de Teran Cepymeko arlo Soziolaboraleko zuzendaria; Carlos Bravo CCOOko Politika Publiko eta Babes Sozialeko idazkaria; eta Cristina Estevez eta Mariano Hoya UGTko Politika Instituzional idazkaria eta Politika Sindikaleko idazkariorde nagusia, hurrenez hurren, batzarrean izan dira.
Negoziazioko iturriek azaldu dutenez, astelehen honetako batzarrean Ministerioak ez du proposamen idatzirik egin, eta ez da aparteko nobedaderik izan.
Aurreneko hartu-emana
Jose Luis Escrivak ministroak berak TVEn eta RNEn argi utzi duenez, astelehen honetako bilera "aurreneko hartu-emana" izan da soilik, eta datozen asteetan negoziatzen jarraituko dute.
Hala ere, Escrivak negoziazioaren nondik norakoen berri eman du gaur: pentsio maximoa "pixkanaka" igotzea, eta aldi berean, sistemaren jasangarritasunari ekarpena egiteko kotizazioa, eta pentsioak kalkulatzeko erabiltzen den metodoa aldatzea.
Ministroaren hitzetan, Espainian pentsio maximoa "nahiko baxua" da, beste herrialde batzuekin alderatuta. Erantsi duenez, "pixkanaka" igo eta aldi berean oinarri maximoa areagotzen baldin bada, 30eko eta 40ko hamarkadetan sistemaren diru-sarrerak areagotuko lirateke, demografiaren ondorioz sistemak "tentsio handiagoa" jasango lukeen epean, hain zuzen ere.
Bestalde, pentsioa kalkulatzeko kontuan hartzen den epea 25 urtetik 35era areagotzea baztertu du ministroak. Escrivaren esanetan, "kotizazio urterik txarrenak" kanpoan utzi eta kotizazio hutsuneei (lanean ematen ez diren denboraldiak) tratamendu hobeagoa ematea aztertuko dute gizarte eragileekin batera.
Pentsioa zenbatzeko epea areagotzeaz "hitz egiten ari ez" direla errepikatu du buruzagiak, beharginek babes defizitik ez pairatzeko osagai ezberdinak uztartzeaz baizik.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.