Mendia: "Egoera ziurgabetasun handikoa den arren, hemengo enpresek lana badute eta langileak behar dituzte"
Euskal ekonomiaren egoeraren inguruko ikerketa kaleratu du EITB DATAk, gaur, eta hori izan du hizpide Idoia Mendia Eusko Jaurlaritzako Lan eta Enpleguko sailburuak, Euskadi Irratian egin dioten elkarrizketaren abiapuntuan. Horren hitzetan, "egoera ziurgabetasun handikoa" da, baina "ezin da diskurtso katastrofistarik" egin. Abuztua "beti txarra" izaten dela, eta aurtengoa ere halakoa izan dela gogoratu ondoren, "urtebete atzera begiratuta irakurketa positiboa" dela azaldu du. "Datozen hilabeteak zailak izango dira, baina gure enpresek lana badute eta langileak behar dituzte", gehitu du.
Oraingoz, "enplegua ondo" doala ere adierazi du buruzagi sozialistak, Espainiako Gobernuak aurreratu berri dizkien iraileko enplegu datuak ez direla txarrak nabarmenduz. Inflazioaren ondorioz herritarrek eros ahalmenik gal ez dezaten, sindikatuen eta patronalaren arteko akordioak ezinbestekoak direla uste du. "Negoziazio kolektiboa da ardatz nagusia eta bidea", esan du.
Bestalde, zergak zentralizatzearen alde Jose Luis Escriva Espainiako Gobernuko Inklusio, Gizarte Segurantza eta Migrazio ministroak egindako adierazpenei buruz galdetuta, Mendiak garrantzia kendu nahi izan die, iritzi pertsonala dela esanez, eta ez PSOEk zuzentzen duen Exekutiboaren irizpidea. Mendiaren esanetan, zergen inguruan "armonizazioa egotea" da garrantzitsuena, bai Estatu mailan, baita Europan ere. Zentzu horretan, ondasunen gaineko zerga kentzeko Andaluziako Gobernuak hartu berri duen erabakiari "oso arduragabea" iritzi dio.
Tranferentzien inguruan ere mintzatu da Lan eta Enpleguko sailburua, eta horren iritzian, Jaurlaritzaren eta Espainiako Gobernuaren arteko "tirabirak oso normalak" dira, "bakoitzak bere interesak defendatzen dituelako". Eneko Andueza PSEko idazkari nagusiak duela bi aste esandakoen bidetik, transferentzien gaia alboan utzi gabe, herritarren beharrei erantzutea dela "lehentasuna" berretsi du.
Azkenik, bihar Eusko Legebiltzarrean egingo den Politika Orokorreko Osoko Bilkurari begira, akordio zabalak lortzearen alde lan egingo dutela esan du Mendiak. "Nik nire sailean, batez ere, lege garrantzitsu baten inguruan lortu nahi dut akordio zabala, Diru-sarrerak bermatzeko errentaren inguruan. EH Bildurekin eta Podemosekin hitz egiten ari gara, eta akordio zabala lortzea espero dut", amaitu du.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.