Escrivak zergak zentralizatzearen alde egin du, erkidegoak lehian ibiltzearen "zentzugabekeria" gainditzeko
Jose Luis Escriva Espainiako Gobernuko Inklusio, Gizarte Segurantza eta Migrazio ministroak uste du zergak zentralizatu behar direla, fiskalitatearen alorrean autonomia erkidegoak elkarren artean lehian ibiltzearen "zentzugabekeria" gainditzeko.
Onda Cero irrati kateari egindako adierazpenetan, ministroak zehaztu du bere "iritzi pertsonala" dela, eta aurrez, horren alde mintzatu dela. Andaluziako Gobernuak, Madrilek lehenago egin bezala, ondare zerga bertan behera uztea erabaki zuen atzo, eta horren harira egin ditu adierazpenak Escrivak.
"Zentzugabekeria hutsa da autonomia erkidegoak neurri fiskalekin lehian ibiltzea", nabarmendu du. Horren ahotan, ondare zerga kentzea "atzera egitea da", une honetan bereziki. Defendatu duenez, aberastasuna banatzeko unea da, zaurgarrienak inflazioaren ondorioengatik babesteko.
Ministroak Espainiako Estatuaren eredu fiskala kritikatu, eta Australiako eredua babestu du. Horren arabera, erkidego bakoitzak zerbitzu publikoetan gastatzen duenaren arabera banatzen ditu Estatuak baliabideak.
Espainiako Gobernuak ez du zergak zentralizatzeko asmorik, eta gogora ekarri du Escrivak bere izenean eman duela iritzia
Escrivak hausnarketa adierazi ostean, Espainiako Gobernuko bozeramaile eta Lurralde Antolamenduko ministroak gogora ekarri du Inklusio, Gizarte Segurantza eta Migrazio espainiar ministroak bere izenean hitz egin duela, berak ere argi utzi duenez: "Ez dut zer esan honen gainean, berak ere argitu baitu", nabarmendu du Rodriguezen, Ministroen Kontseiluaren osteko prentsaurrekoan.
Hain zuzen ere, espainiar Gobernuko bozeramaileak azpimarratu du bera kide den Gobernuaren asmoa dela, Espainian zerga-sistemaren gaineko edozein aldaketa eginez gero, "autonomia finantzazioko ereduari jarraituz" egitea: "Testuinguru horretan adostu behar dira akordioak, eskumen-markoa errespetatuz, eta, halaber, espainiarrei berdintasun-estandarrak bermatuz, herritarrak non bizi diren kontuan izan gabe".
Espainiako Gobernuko iturriek argitu dute ez dagoela eztabaidagai zergak zentralizatzea eta, hala, autonomia erkidegoek egun dituzten eskumenak kentzea.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.