EAEko autonomoek eta enpresa txikiek 34.000 euro arteko laguntzak izango dituzte kamioi berria erosteko
Euskal Autonomia Erkidegoko (EAE) autonomoek eta enpresa ertain eta txikiek 34.000 euro arteko laguntzak izango dituzte ibilgailu astun berria erosteko, Eusko Jaurlaritzak bihartik aurrera martxan jarriko duen Kamioentzako Renove Planaren eskutik.
Arantxa Tapia Ekonomiaren Garapen, Jasangarritasun eta Ingurumeneko sailburua Asetrabi, Gitrans eta Arasur garraiolarien elkarteetako ordezkariekin bildu da goizean planaren nondik norakoak azaltzeko. Guztira, zazpi milioi euro bideratuko dituzte egitasmora.
Kamioilariek bi baldintza bete beharko dituzte laguntza eskuratzeko. Batetik, ordezkatuko den ibilgailuak 2019ko urtarrila baino lehenago matrikulatuta egon beharko du, eta bestetik, berria erostean, zaharra txatar bihurtu beharko du. Halaber, laguntzak behar bezala banatzeko, gehienez 10 ibilgailu eskuratu ahalko ditu eskatzaile bakar batek, eta horietatik bost, gehienez, Diesel Euro VI-E motorrekoak izan daitezke. Autonomoen kasuan, ibilgailu bakarragatik eskuratu ahalko dute dirulaguntza.
Motor motaren (diesela ala GNC, GNL, biometanoa) eta eskatzailearen izaeraren (autonomoa ala enpresa) arabera banatuko dira laguntzok. Autonomo eta enpresa ertain eta txikientzat gutxieneko laguntza 14.100 eurokoa da (3,5-5 tonako ibilgailuak, GNC, GNL, biometano motordunak), eta 34.000 euro, 16 tona baino gehiagoko ibilgailuak erosteko. Kopuruak 13.750-30.500 eurokoak izango dira eskatzaileak enpresa handiak badira.
Sektoreak emandako datuen arabera, trakzio-buru batek gutxienez 95.000 euro balio du (BEZa kanpo) eta horri atoia erantsi behar zaio (36.000 eurotik gora).
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.