Garamendi (CEOE), Gobernuak proposatutako soldata igoeraz: "Jarraituko dugun erreferentzia bat da"
Antonio Garamendi CEOE Espainiako patronalaren presidenteak nabarmendu duenez, atzo Espainiako Gobernuak funtzionarioentzat proposatu zuen soldata igoera "erreferentzia bat" izango da enpresaburuek soldatak eguneratzeko. "Batzuetan Espainiako Gobernuak ahalegina eskatzen digu enpresa pribatuei, baina gero berak soldatei eusten die", argudiatu du.
Radio Euskadiko "Boulevard" saioan egin dioten elkarrizketaren galderei BECetik erantzun die Garamendik —CEDE Espainiako Zuzendari eta Exekutiboen Konfederazioaren XXI. jardunaldia dago bertan—. Soldaten igoerak negoziatzeko orduan, produktibitateaz eta lehiakortasunaz hitz egin behar dela uste du, enpresak ez direlako homogenoak. Azaldu duenez, Espainiako Estatuan 4.500 negoziazio mahai daude, eta batzuetan, "arrazoizko" akordioak lortu dituzte, eta besteak beste, Arabako metalgintzan erdietsitako aurreakordioa aipatu du horren adibide. Kontrara, argudiatu du ileapaintzaile batek agian ezingo duela igoera hori bere gain hartu.
Hainbat erkidegok ondare zerga bertan behera utzi dutela eta, enpresaburuak ontzat jo du aukera hori, "legeak baimentzen duelako". "Herrialdearen aniztasunaren isla da. Ez duena balio da, gustatzen ez bazaie, dena zentralizatzea, hori ez baita harmonizazioa", nabarmendu du.
Gobernuak aberatsei zerga berezi bat ezartzeko Sanchezek duen asmoaz ere mintzatu da Garamendi. "Ekonomia hauteskunde kanpainekin nahasten dugunean, iparra galtzen dugu", esan du. Horren aburuz, "zerga oinarri gehiago eta zerga mota gutxiago behar ditugu". Salatu duenez, Espainian azpiko ekonomia handia da (% 24koa dela esan du), eta "hutsune galanta" dago hor (80.000 milioi euro ingurukoa, bere esanetan). Zergak ordaintzen ez dituzten horiek "gauzak ondo egiten dituzten horiei dumpinga egiten" dietela ere kritikatu du.
CEOEren presidenteak azpimarratu duenez, begi bistakoa da garai zailak datozela, eta ingurumari horretan, iraileko KPIaren jaitsiera balioan jarri du. "Datu ona" da, horren hitzetan, baina ahaztu gabe inflazio "oso altu" horrekin dagoen "arazo potoloa".
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".