Estatuko Aurrekontu Orokorretako proiektuaren gakoak
Espainiar Gobernuko ministroen kontseiluak 2023rako Estatuko Aurrekontu Orokorretako proiektua onartu du astearte honetan. Hauek dira bazkideek egindako akordio horretako berritasun nagusiak:
- Familiak. Hileroko 100 euroko laguntza "ia unibertsala" 0-3 urte arteko hazkuntzarako. Orain arte, laguntza ama langileek soilik jasotzen zuten. Bi seme-alaba edo gehiago dituzten familia gurasobakarrak familia ugaritzat joko dituzte. Kontziliaziorako baimen berriak ezarriko dituzte.
- Langabezia. Zazpigarren hiletik, langabezian dagoen pertsonak soldatako oinarri arautzaileko % 60 jasoko du. Orain arte, erdiraino murrizten zuten, PPk egindako aldaketen ondorioz.
- Aldiriko eta Tarte Ertaineko trenek doakoak izaten jarraituko dute bidaiari errepikakorrentzat 2023an; hala, aurtengo abenduaren 31n amaitzekoa zen neurri hori luzatu egingo dute. Hain zuzen ere, Aurrekontuetan, Garraio, Mugikortasun eta Hiri Agendako Ministerioak 700 milioi euroko kontu saila izango du, 2022an baino % 41,2 gehiago, eta gehiena neurri horretarako erabiliko dute.
- Pentsioak. Eguneratu egingo dituzte kontributiboak zein ez kontributiboak izan, azken urteko batez besteko KPIaren arabera (2021eko abendutik 2022ko azarora arteko epeari erreparatuta). Helburua da pentsiodunen erosteko ahalmena bermatzea. Egungo aurreikusopna da igoera gutxi gorabehera % 8,5ekoa izatea.
- Bizitzeko Gutxieneko Dirusarrera. Jasotzeko zenbatekoa ere KPIaren arabera eguneratuko dute.
- Alokairu gaztearen bonuaren finkatzea: 2023an, 200 milioi euro izango ditu. Alokairu gaztearen bonua da hileroko laguntza bat, 250 eurokoa, bi urterako, 18-35 urte arteko herritarrentzat, baldin eta jasotzen duten soldata Iprem baino hiru aldiz txikiagoa bada eta alokatzen badute hilero 600 euroko edo gutxiagoko etxebizitza bat (erkidego bakoitzak 900 eurora handitu ahal du hori), edo 300 eurorainoko gela bat (450 eurora arte igo dezakete muga).
- Alokairu irisgarriko programa bat abiatuko dute, 260 milioi eurokoa.
- Gastua hezkuntzan % 6,6 igoko dute 2022koarekin alderatuta; 5.354 milioi eurokoa izango da.
- Osasun gastua % 6,7 igoko da. Lehen mailako arretak 173 milioi jasoko ditu, eta beste 500 baliatuko dituzte lehen mailako arretako eta buruko osasuneko azpiegituretarako.
- Medikuntzako lehen ikasturteko 1.000 plaza berri izatea helburu, 50 milioi erabiliko dituzte.
- Bekek inoizko kontu sailik handiena izango dute, 2022an baino 400 milioi gehiago, aukeren berdintasuna bermatzeko. Beste 300 milioi "Escuela 4.0" programan baliatuko dituzte, "teknologia hezkuntza arlora gerturatzeko".
- Mendekotasunak gastu errekorra izango du: guztira, 3.522 milioi, aurten baino 620 gehiago.
- Funtzionarioak: soldatan ezarritako % 2ko igoerari, beste bat gehituko diote, % 1,5ekoa.
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.