AHTren lanak 2027an amaituko direla iragarri du Espainiako Gobernuak Estatuko Aurrekontu Orokorretan
2023ko Estatuko Aurrekontu Orokorretan, Espainiako Gobernuak 2027an kokatu du AHTren lanen amaiera. Gaiaz galdetuta, Iñaki Arriola Eusko Jaurlaritzako Garraio sailburuak onartu du ez dela ezustekoa izan. "Duela bi urte esan nuen AHTren lanak 2026ko amaieran edo 2027ko hasieran amaituko zirela. Horregatik, niretzat ez da ezusteko bat izan", esan du.
Herri Irratiari eskainitako elkarrizketan nabarmendu duenez, garrantzitsuena da obrak aurrera doazela, eta epeak betetzea espero duela gaineratu du. "2027a urruti dagoela dirudi, baina tamaina horretako obretan, ez da hain epe luzea", gehitu du.
"Oso obra konplexua" da, "ingurumena ahalik eta gehien errespetatuz egin behar da, eta horretarako denbora asko behar da", berretsi du.
AHTa errealitate izatetik "gero eta gertuago" dagoela esan ondoren, "azpiegitura hori edukitzea abantaila handia" izango dela adierazi du.
"Inbertsio faltaren adibidea"
Bestalde, Pedro Azpiazu Eusko Jaurlaritzako Ekonomia eta Ogasun sailburuak atzerapen hori deitoratu du. Horri dagokionez, sailburuak gogorarazi du 1992an hasi zela abiadura handiko trenaren Sevilla-Madril linea, "eta gu, 30 urte geroago, oraindik obretan gaude. Ziurrenik hamar urte geroago jarriko da martxan AHTa, 40 urteko atzerapenarekin. Horrek esan nahi du Euskadin egindako inbertsioen garrantzia ez dela behar bezalakoa izan".
2023ko Aurrekontuetako 385,6 milioi bideratuko dituzte proiektura
Denis Itxaso Espainiako Gobernuaren Euskadiko ordezkariak ostiralean zehaztu duenez, 2023ko Aurrekontuek Euskadirako inbertsio gisa aurreikusten dituen 558,8 milioietatik 385,6 Abiadura Handiko Trenaren proiektuan baliatuko dituzte. Espainiako Gobernuak 250 milioi euro jarriko ditu, eta Eusko Jaurlaritzak, Kupoaren bitartez, 135,6 milioi.
Kritika
Carlos Iturgaiz Euskadiko PPko presidenteak deitoratu egin du Arriolak esan izana ez duela ezustean harrapatu atzerapen horrek, eta salatu du AHTa ez dagoela "Pedro Sanchez Espainiako Gobernuko presidentearen eta Iñigo Urkullu lehendakariaren agendan".
Halaber, gaineratu du Urkulluk gobernu krisi bat ireki beharko lukeela, "adarjotze" horren aurrean.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".