Greban dauden Frantziako sei findegiek lanuzteei eusten diote, Gobernuak lanera behartzearekin mehatxatu arren
Frantzian gasolindegietako krisia konpontzetik urrun, larriagotzen ari da. Greban dauden sei findegiek lanuzteei eustea erabaki dute, nahiz eta Gobernuak bi findegi irekitzera behartu nahi dituen.
Atzo, Elisabeth Borne Frantziako lehen ministroak Asanblea Nazionalean iragarri zuenez, Exxon Mobileko findegien "funtzionamendurako ezinbesteko langileak" direnak lan egitera behartuko dituzte, bezperan zuzendaritzaren eta hainbat sindikaturen artean akordio bat sinatu ostean. Hain zuzen ere, Energia Ministerioak gaur goizean jakinarazi du onartu duela Exxon Mobil konpainiak Gravenchon-Port Jeromen (Normandia) duen findegiko langileak lan egitera behartzeko agindua.
CGT sindikatuak epaitegietara jotzeko asmoa agertu du grebarako eskubidea konstituzionala dela argudiatuta.
Exxon Mobileko zuzendaritzak CFDT eta CFE-CGC sindikatuekin soldata igotzea adostu badute ere, konpainia horretako findegietako langileek greban jarraitzea erabaki dute.
Azken orduetan, beste petrolio findegi batek egin du bat grebarekin eta, hortaz, zazpitik sei dira jada greban daudenak.
Frantziako Gobernuak emandako datuen arabera, herrialdeko hiru gasolindegietatik ia batean (% 30) erregaia falta da. Erregai eskasia Pariseko eskualdean nabari da gehien bat, izan ere, gasolindegien % 44 itxita daude.
Greban dauden langileek TotalEnergies eta ExxonMobil enpresei eskatzen diete Ukrainako gerraren ondorioz izan dituzten irabazi izugarriak langileekin partekatzea, eta soldatak % 10 igotzea: % 7 inflazioaren eragina konpentsatzeko eta % 3 etekinen birbanaketarako. Izan ere, TotalEnergies konpainiak 10.600 milioi dolarreko irabaziak lortu zituen lehen seihilekoan.
TotalEnergies konpainiak gaur bilera egingo du greban parte hartzen ari ez diren sindikatuekin. CGT sindikatua ez dago bilerara deituta eta enpresak adierazi du gonbidatuko duela baldin eta eguerdirako blokeoa altxatzen badu.
Eragina Ipar Euskal Herrian
Ipar Euskal Herrian ere somatu da grebaren eragina. Atzo, A-63 autobidean, Bidarten dagoen gasolindegia blokeatu egin zuten findegietako langileekin elkartasunean. Arratsaldean, ordea, lanuztea bertan behera utzi zuten, itxuraz, soldata eta lan baldintzetan hainbat hobekuntza lortuta. Dena den, ez dago horren inguruko baieztapen ofizialik.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.