Azpiazu: "Ezberdintasun sozialei aurre egitera bideratutako aurrekontuak prestatu ditugu"
EAEko aurrekontu proiektua onartzeko astebete falta denean, Pedro Azpiazu Eusko Jaurlaritzako Ekonomia eta Ogasuneko sailburuak ziurtatu du bizi dugun krisiak areagotu dituen "ezberdintasun sozialei aurre egitea" izango dutela helburu aurtengo kontuek. "Badakigu krisi ekonomikoek ezberdintasunak handitu egiten dituztela, eta gure Gobernuaren politika sozialak horretara bideratuko ditugu", esan du. Zentzu horretan, nabarmendu du Europako "herrialde askorekin alderatuta", EAEn ezberdintasun sozialen arrakala txikiagoa dela.
Aurrekontuen negoziaziorako atea zabalik dutela ere azaldu du Azpiazuk, eta akordio zabaletarako borondatea dutela berretsi. Aurten, "diru-bilketan diru gehiago" jaso denez, batez ere, hezkuntzara eta osasunera bideratutako diru partidetan nabarituko dela igoera aurreratu du. Datorren asteartean onartuko du Gobernu Kontseiluak aurrekontu proiektua.
Zerga erreforma ere izan du hizpide Jaurlaritzako Ekonomia arduradunak. Horren hitzetan, "ez da momentua zergak jaisteko", "politika askori aurre egin behar zaiolako, eta horretarako baliabideak behar direlako". Halaber, "igotzeko momentua ere ez" dela azaldu du, "oraingo moteltzea areagotu egingo litzakeelako". "Zergak igotzeak, atzeraldia areagotu dezake. Halere, gure ekonomia ez dago atzeraldi arriskuan", azaldu du.
EUSTAT gaur kaleratzekoa den Euskadiko Barne Produktu Gordinaren datuari buruz galdetuta, "esperotako bidetik etorriko" dela esan du, eta orain aste batzuk Jaurlaritzak aurreratutako datua ekarri du gogora: "Aurtengo hazkundea % 4,3koa izango da, gutxi gorabehera, eta datorren urtekoa, % 2,1ekoa. Hori da gure aurreikuspena".
Bestalde, langileen soldaten inguruan ere aritu da solasean sailburua, eta nabarmendu duenez, enpresak zein langileak jarrera "oso arduratsua" erakusten ari dira, "batean eta bestean adosten ari diren akordioetan". Errenta itunaren inguruan adostasun zabalik ez dagoen arren, "soldatak arduraz" igotzeko itunak ixten ari direla esan du.
Langile publikoen lansarien harira, berriz, legea betetzea beste biderik ez dutela ziurtatu du, eta horrenbestez, Espainiako Gobernuak adostutako igoera ezarri beharko dela hemen ere: "legeak hala dio, eta legea bete behar dugu. Norbaitek jokatzeko beste bideren bat ezagutzen badu, esan dezala".
Azkenik, Kupoari dagokionez, Espainiako Gobernuak iragarritako "kalkulua zuzena" dela azaldu du, baina "oraindik, errealitatea ondo aztertu behar da". Inbertsioetara bideratuko den diru kopurua, berriz, "beti bezala, gutxiegi" da. "Hor arazo estrukturala dugu, konpondu beharrekoa", zehaztu du.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metroko
Nafarroaren aurretik (% 6,4) dago etxebizitza berrien prezioaren urte arteko igoeran. Hiriburuen arabera, batez besteko preziorik altuena Donostian dago, gero Bilbon eta azkenik Gasteizen.
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".