Bizkaiko metalgintzako grebak jarraipen "zabala" izan du, sindikatuen hitzetan; % 27koa patronalaren arabera
Bizkaiko metalgintzako greba jarraipen "zabala" izaten ari da sindikatu deitzaileen arabera. FVEM patronalak, ordea, % 27ra mugatu du parte hartzea.
Sektoreko 52.000 bat langile grebara deituta zeuden gaur datozen egunetarako antolatutako lehen greban (biharko eta asteazkenerako daude deituta besteak).
Lan hitzarmena berritu gabe dute beharginok, eta negoziazioa ez atzera ez aurrera dago. Sindikatu guztiek deitu dute lanuztea, baina, lehen aldiz, zatituta egin dute. Alde batetik, gehiengoa osatzen duten sindikatuek (CCOO, LAB, UGT, ESK, CGT eta CNT) egin dute deialdia, eta bestetik, ELAk.
Zatiketa gorabehera, sindikatu guztiek nabarmendu dute parte hartze altua, batez ere Durangaldean. Enpresa handienetan, ekoizpena "geldituta" dago, zentralen hitzetan. LABen esanetan, Tecuni, Arteche, Bombardier, DYF eta Vicinay lantegietan, ekoizpena geldiarazi dute, eta Ormazabalen aurreko lanuzteetan baino jarraipen handiagoa izan da.
Ohar batean, FVEM patronalak esan du, 12:00ak arteko datuen arabera, enpresen % 60k euren jardunarekin jarraitu ahal izan dutela, "langile bakar bat greban eduki gabe". Datuak 211 enpresa aztertuta bildu ditu patronalak (7.000 bat langile).
Hain justu, grebak eragindako hornidura arazoak tarteko, Gasteizko Mercedesen ez dute lanik egingo larunbatean.
Aparteko istilurik ez
Goizean ez da aparteko arazorik izan. Segurtasun Saileko iturrien arabera, Ertzaintzak ez du esku hartu behar izan goizean goiz izan diren elkarretaratzeetan, eta zaintza lanak egitera mugatu dira agenteak. Rheinmetall lantegian (Zornotza), esaterako, enpresa batzordeko kideak sartzen saiatu dira, baina agenteek eragotzi egin diete.
Aitzitik, patronalak salatu duenez, "istiluak izan dira, batez ere Durangaldean, eta lantegietan kalte materialak eragin dituzte, eta lanuztearekin bat egin nahi izan ez duten langileen aurka egin dute" grebalariek.
CCOOren aburuz, polizia dispositiboa "gehiegizkoa" izan da, protesta guztiak "baketsuak" izan baitira.
Piketeek barrikadak jarri dituzte N-637an, Berrizen. Asuan (Erandio), manifestazio batek BI-604 errepideko zirkulazioa oztopatu du tarte batez.
N-634 en #Berriz cortada por barricadas #huelgadelmetal en Bizkaia pic.twitter.com/IwLSTV2Ls4
— Iker Salgado (@ikersalgadoser1) October 27, 2022
Eguerdian, manifestazio bana egin dituzte Iurretan eta Erandion. Lehenengoa, gehiengo sindikalak deituta (CCOO, LAB, UGT, ESK, CGT eta CNT), eta bigarrena, ELAk. Azken horretan, Mitxel Lakuntza sindikatuko idazkari nagusia izan da.
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.