Bakartxo Ruizek azpimarratu du Nafarroako Aurrekontuak laugarrenez adostea erabaki politikoa izan dela
Legegintzaldi honetan laugarrenez, Aurrekontuak ahalbidetzeko akordioa lortu du EH Bilduk Nafarroako Gobernuarekin. Bakartxo Ruiz EH Bilduk Nafarroako Parlamentuan duen bozeramailearen arabera, "ez da anekdota bat, ez da puntuala, ez da kasualitatea; erabaki politiko bati erantzuten dio". Gaineratu duenez, bai EH Bilduk eta baita Nafarroako Gobernuak ere borondatea erakutsi dute "lau urte hauetan akordioak erdiesteko".
Euskadi Irratiko "Faktoria" saioan egin dioten elkarrizketan, EH Bilduko eledunak adierazi du albiste ona dela Aurrekontuetan eta oro har politika publikoetan eskuinak ahalik eta eragin gutxiena izatea. Dena dela, EH Bilduren Aurrekontuak ez direla iritzita, koalizioa abstenitu egingo da Nafarroako Parlamentuan egingo den bozketan.
2023ko udal eta foru hauteskundeen ondorengo gobernagarritasunari begira, Nafarroako egungo gehiengoak sendotzearen alde mintzatu da. Ildo horretan, EH Bilduk eragin politiko determinantea izango duela aurreikusi du: "Ez da posible eskuinarekiko alternatiba bat osatzea EH Bilduren parte hartzerik gabe".
Fiskalitatearen alorrean ere, hainbat neurri adostu dituzte EH Bilduk eta Nafarroako Gobernuak: 18.000 eurotik beherako errentei 540 euroko kenkaria aplikatuko zaie; urtean 14.500 euro baino gutxiagoko diru sarrerak dituztenek ez dute errenta aitorpena egin beharko; eta hiru milioi euro baino gehiagoko zergadunei 200.000 eurotik gorako kapital errenten karga handituko diete, eta ondare zerga aplikatuko zaie. Oraingoz, Sozietateen gaineko Zergak bere horretan jarraituko du. Bakartxo Ruizen arabera, "urrats txikiak eman ditugu, guk nahiko genituzkeenetatik urruti, baina txikiak izanagatik ere, norabide egokian daude". Dena dela, azpimarratu du fiskalitateari buruzko eztabaidak datozen hilabete eta urteetan jarraituko duela.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.