Ucinek (Mondragon), Ulmari eta Oronari buruz: "Bazekiten eskatzen zutena onartezina zela epe motzean"
"(Ulmak eta Oronak) bazekiten eskatzen zuten prozedura onartezina zela epe motzean". Hala mintzatu da Iñigo Ucin Mondragon Korporazioko presidentea bi kooperatibek ekainean egindako proposamenaren inguruan —"itunpeko kooperatiba" izatea—. Korporazioak proposamena errefusatuta, Ulmak eta Oronak taldea uzten duten erabakitzeko bozketak egingo dituzte asteon.
Horren atarian, elkarrizketa egin dio Arantza Ruiz EITB Mediako albistegietako buruak Korporazioko presidenteari "12 minutos" saioan. Ucinen hitzetan, "prozedurak flotazio lerroari eragiten zion, eta ezin zen epe laburrean egin. Bazekiten zein izan behar zuen gure erantzunak, beste bat ez zen posible eta".
Mondragon Korporazioko presidenteak berretsi duenez, Ulma eta Orona eurekin geratzea nahi dute, baina erabakia "eurena" dela gogorarazi du. Balizko irteerak beste kooperatiba batzuei eragingo ote dien galdetuta, ezezkoa eman du Ucinek. "Lehen baino batuago gaude, batasuna handiagoa da. Mondragon ondo doa eurekin, eta eurek gabe ere ondo joango da", gaineratu du.
Taldeko presidenteak adierazi duenez, "negozio arazoak dituen kooperatiba bat ez da inoiz joan, lidergo arazo oso gogorrak izan ezean".
Ucinek gogorarazi du 95 kooperatibak eta 80.000 langilek baino gehiagok osatzen dutela Korporazioa gaur egun, eta aurten 12.000 milioi euro baino gehiagoko fakturazioa "aise" gaindituko dutela.
Koporazioko presidenteak ziurtatu du "lasaitasunez" egingo diotela aurre Ulmak eta Oronak hartuko duten erabakiari.
Azken egunetako mezu eta polemikari dagokionez, adierazi du "esan dugun guztia egia da, ez dakit zehaztasunik eza egon daitekeen gairen batean, baina egia hor dago eta egiazta daiteke, ez dugu zalantzarik". "Hala ere, esan dugun edozer beti hartu dute modu oldarkorrean, ulertzen ez diren gauzak", aurpegiratu du.
Ulmak eta Oronak Korporazioa uztea erabakiko balute, Ucinek onartu du 70.000 langile inguru izango liratekeela. Hala ere, uste du kalterik handiena ez dela gertatuko ateratzen badira edo ateratzen ez badira. Bere ustez, kalterik handiena azken egunetan egunero helarazi den irudian egin da.
Ucinek errepikatu duenez, Oronak eta Ulmak "erabakitzeko eskubidea dute, bai ala ez, egin nahi dutena". Hala ere, haiek geratzea gustatuko litzaiekeela adierazi du. "Badakigu kolektibo kooperatibistak direla, balio berberak ditugu, guretzat geratzen badira albiste ona izango da", azpimarratu du.
Etorkizunari dagokionez, Mondragon Korporazioko presidentea itxaropentsu agertu da: "Mondragon ondo doa, talde industrialaren negozioak ondo doaz, azken hiru urteetan bizi izan dugun ziurgabetasun egoera gorabehera, baina enplegua sortu dugu". "Etorkizun oparoa dugu, gure ereduak funtzionatzen baitu", gaineratu du.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.