Elikagai kateko desorekak salatu eta marjinak murrizteko eskatu die ENBAk banatzaileei eta saltokiei
ENBA Euskal Nekazarien Batasunak Euskadiko elikagai katean gertatzen diren desorekak salatu ditu gaur goizean. Testuinguru horretan, banatzaile kateei eta saltokiei eskatu die beren marjinak moderatzeko, batetik, baserritarrek gutxienez beren ekoizpen kostuak estaltzen dituztela bermatzeko; bestetik, bertako elikagaien salmenta areagotzeko.
Gaur goizean Donostian eskaini duten prentsaurrekoan, ENBAko ordezkariek Eusko Jaurlaritzari eskatu diote bizkortu dezala Behatokiaren lan martxa, argitaratu ditzala ekoizpen kostuen txostenak, eta distribuzioa eta saltokiak kontrola ditzala Elikagaien Katearen legea betetzen dela bermatzeko.
ENBAk egindako txostenaren arabera, saltokietan marjina handiak antzeman dira bertako elikagaiak eskaintzen diren prezioak behatuz gero: behietatik eratorritako okelan, % 33; behien esnean, % 45-55; supermerkatuko tomatean, % 45; gaztan, % 45-55; jogurtean, % 55; sagardoan, % 68; eztian, % 70; oilaskoan, % 70-80; Gernikako piperrean, % 73; denda tradizionaleko tomatean, % 75-85; sagarrean, % 87; eta letxugan, % 118.
Marjinetatik harago, ENBAtik azpimarratu nahi izan dute "ezkutuan edo itzalpean" gelditzen den beste kontu bat, komisioena. Beren esanetan, aipaturiko komisio horiek are gehiago murrizten dute baserritarrek eta beren enpresak eta kooperatibek jasotzen duten ordaina.
Bestalde, banaketa enpresei eskatu die bere marka zuriaren eta enpresako markaren arteko marjina ezberdinak alboratzeko.
Zure interesekoa izan daiteke
Abian dira Eusko Jaurlaritzaren hileko 220 eurorainoko laguntzak adingabeak dituzten familia zaurgarrientzat
Gurutze Gorriak kudeatutako eta Europako funtsekin finantzatutako programak laguntza materiala eskainiko die bost kide edo gehiagoko familiei 2026ko abendura arte.
Guztira 3.764 pertsonak eman dute izena Ertzaintzaren 35. promozioko LEPrako
Horietatik 2.383 gizonak dira eta 1.381 emakumeak. Prozesuak, oposizio-fasean, lau fase izango ditu, guztiak derrigorrezkoak eta baztertzaileak.
Euskadik Gizarte Segurantzako afiliazio errekor historikoarekin itxi du 2025a
Hala ere, Euskadiko langabeziaren beherakada joera eten da 107.434 langaberekin, 2024an baino 54 gehiagorekin; Nafarroan, aldiz, 872 pertsonako jaitsiera izan du.
Trumpek petrolioaren merkatua kontrolatu nahi du, adituen arabera
Venezuela munduko petrolio-potentzia izan daiteke laster, nazioarteko enpresei lizentziak emanez gero, Trumpek aurreikusi bezala. Hala ere, urre beltza ez da helburu bakarra; izan ere, Latinoamerikako herrialdeak mineral, gas natural, nikel eta koltan erreserba handiak ere baditu.
Euriborra % 2,267ra igo da abenduan, baina jaitsi egin da urteko bilakaeran, Espainiako Bankuaren arabera
Martxotik izan duen tasarik altuena lortu du urte amaieran. Hala ere, urteko beherakadari esker, urtero berrikusten diren hipoteka aldakorren kuotak merkatuko dira, nahiz eta aurreko hilabeteetan baino apalago.
Autoen salmenta % 16,4 handitu da Euskadin 2025ean, baina dieselen salmentak % 45 murriztu dira
Abenduan, matrikulazioak % 5,7 murriztu dira Euskadin, 2.728 autoraino. Horien artean, 448 gasolina-auto (-%32,9) eta 65 diesel-auto (-%49,2). Beste erregaienak, berriz, % 5,58 handitu dira, 2.215 unitateraino.
Guggenheim Bilbaok 1,3 milioi bisitari baino gehiagorekin itxi du 2025a
Museoak 3.660 bisitari gehiago izan ditu, 2024ko datuekin alderatuta, eta bertaratutakoen % 90 atzerritik etorritakoak izan dira.
Eusko Jaurlaritzak 928.000 euro bideratuko ditu Euskadiko mahastiak modernizatzeko
Dirulaguntzak 105 hektarea baino gehiago berregituratzen eta birmoldatzen lagunduko du, "mahastizaintza- eta ardogintza-sektorearen lehiakortasuna eta iraunkortasuna hobetzeko".
Alokairuko etxebizitzen prezioa % 3,8 igo da Euskadin 2025ean, eta % 5,6 Nafarroan
Azken urtean, alokairuko etxebizitzen hileko errentek gora egin dute Hego Euskal Herria osoan. Nafarroa igo dira gehien (% 5,6), ondoren Bizkaia (% 4,5), Araba (% 4) eta, azkenik, Gipuzkoa (% 1,9). Batez besteko prezioaren koadroan, zerrendak bueltaerdi ematen du eta eta Gipuzkoa dago prezio-gailurrean (16,4 euro/m2); ondoren, Bizkaia (14,7 euro/m2), Araba (12,1 euro/m2) eta Nafarroa (11,1 euro/m2).
Talgok Uzbekistanen duen kontraturik handiena ziurtatu du, 80 milioikoa
Konpainiak hamar urteko akordioa sinatuko du herrialdeko trenbideen enpresa publikoarekin, sei Talgo 250 trenen mantentze integrala egiteko.