Bizkaibuseko hainbat zerbitzutan gaur deitutako grebaren jarraipena % 100ekoa izan dela esan dute sindikatuek
Bilbon San Tomas azoka ospatzen den honetan, 24 orduko greba dago deituta Bizkaibusen zerbitzua eskaintzen duten bost enpresa emakidadunetik lautan. Hala, lanuzteak honako eskualde hauetan autobus zerbitzua eskaintzen duten lineei ari dira eragiten bete-betean: Ezkerraldea, Meatzaldea, Txorierri, Enkarterriak, Busturia Lea-Artibai eta Mungialdea. Hitzarmena berritzea exijitzen dute langileek, eta gaur ohartarazi dutenez, ez dute amore emango, harik eta helburua lortu arte.
Bilboko kaleetara eraman dute euren protesta sindikatuek, eta hiribilduko hainbat tokitatik abiatu dira manifestazioak Foru Jauregian amaitzeko (10:30ean). Hori horrela, Vectalia Txorierri eta Vectalia Enkarterri enpresetako langileak Deustuko San Pedro Plazatik abiatu dira. Ezkerraldea-Meatzaldea Bizkaibusekoek (EMB), aldiz, Casillan hasi dute euren protesta, eta Busturia Lea-Artibaiko beharginek, Urizar dorretik.
Manifestazioaren amaieran egindako adierazpenetan, Busturia Lea Artibaiko (BLB) langileen batzordeko presidenteak, Oscar Lopezek (UGT), nabarmendu du lanuztearen jarraipena erabatekoa izan dela, % 100ekoa. Horren hitzetan, Bizkaibusen enpresa emakidadunetako batean, Avanza Durangaldean, izenpetutako akordioa aldarrikatzen dute, eta ez dute ulertzen "batzuentzat posible dena, besteentzat ez izatea". Helburua lortu arte "batuta" jarraituko dutela nabarmendu du.
Bide beretik hitz egin du Juan Carlos Meabe (CCOO) Ezkerraldea-Meatzaldea Buseko (EMB) ordezkariak ere, eta nabarmendu duenez, langileen jarrera txalotzekoa izan da. San Tomas bezalako egun batean greba egiteak erabiltzaileak kaltetzen dituela jakitun, protestarako beste erremintarik ez zaiela geratu azaldu du.
Bizkaiko Foru Aldundiari gatazkan bitartekari lanak egiteko eskatu diote, azkenik, sindikatuek. "Helburua da Bizkaibuseko enpresa guztietan KPIaren araberako soldata igoerak egitea, langileen arteko diskriminaziorik egon ez dadin", azaldu dute UGTko eledunek. Akordiorik egon ezean, urtarrilean mobilizazioak eta grebak gogortuko dituztela ohartarazi dute.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.