Milaka lagun Bilboko San Tomas azokan, pandemiaren etenaldiaren ostean
Pandemiak eragindako etenaren ondotik, Bilboko San Tomas azoka ospatu da gaur, eta aurten, 137 ekoizlek bete dituzte Areatza inguruko 238 etxolak.
Bisubi sukaldarien fundazioarekin lankidetzan, 5000 babarrun anoa jarri dituzte salgai, eta bildutako dirua Aspanovas minbizia duten ume eta nerabeen gurasoen Bizkaiko elkartera bideratuko da. Halaber, azokan bertan erositako produktuekin egindako pintxo originalak eta Balmasedako benetako putxera bat jarri dituzte enkantean.
Areatza inguruko 238 etxolatan, era guztietako produktuak erosteko aukera izan da. 10 kategoriatan banatu dituzte produktuak: haragia eta deribatuak, 8 ekoizle; kontserbak, 17 ekoizle; frutak, 5 ekoizle; barazki edo ortuariak, 13 ekoizle; esnea eta esnekiak, 22 ekoizle; eztia, 9 ekoizle; ogia eta pastelak, 21 ekoizle; landareak, 3 ekoizle; sagardoa eta txakolina, 19 ekoizle; eta askotarikoak, 4.
Gainera, produkturik (frutak, barazkiak, gazta, eztia, ogia, txakolina, sagardoa) eta posturik onenak saritzeko lehiaketak egin dituzte. Era berean, BBK-k belaunaldi erreleboa saritzen jarraitu du, ekoizle gazteenari saria emanez, baita emakume baserritarrari sari berezia ere.
Azoka 09:00etatik 20:00etara bitartean egingo da. Pandemiaren aurreko azken edizioan egin zen bezala, postuek eta txosnek edalontzi berrerabilgarriak eta poltsa biodegradagarriak erabiliko dituzte.
Bestalde, jai eremura iristeko, garraio publikoa erabiltzea gomendatzen dute antolatzaileek. Aurten, halere, greba deitu dute Bizkaibusen San Tomas egunarekin bat eginez.
Zure interesekoa izan daiteke
26 urteko emakume bat larri zauritu da Lerinen izandako trafiko-istripu batean
NA-122 errepidean gertatu da ezbeharra. Antza, ibilgailua bidetik atera da eta hainbat itzulipurdi eman ditu.
Maider Etxebarriak hiriko proiektuen balantzea egin du, Andra Mari Zuriaren jaien atarian
"Urte emankorra izan da hiriarentzat", adierazi du Maider Etxebarria Gasteizko alkateak. Hurrengo erronka Andra Mari Zuriaren jaiak dira. 400 ekitaldi baino gehiago daude programatuta datozen egunetarako.
Jaurlaritzak "erantzukizun argiak" dituen "egiturazko migrazio plana" eskatu die Espainiari eta Europari
Melgosa sailburuaren hitzetan, Ceutan gertatutakoa "oso larria da" eta Eusko Jaurlaritza aspalditik ohartarazten ari den zerbait berresten du: "migrazioak aspaldi utzi zion egoera koiuntural bat izateari".
Ceutara heldutako ehunka migratzaile hondartzan daude, gero eta egoera prekarioagoan
Poliziak Trampolin hondartza inguratu du, migratzaileak hirira irten ez daitezen. Elikagai falta, ur-eskasia eta bildutako pertsonen arteko tentsioa handituz doaz egunetik egunera eta migratzaileen egoera gero eta gogorragoa da, batez ere beren etorkizunari buruzko ziurgabetasuna dela eta.
Gizon bat atxilotu dute Donostian emakume bati sexu-erasoa egitea leporatuta
Erasoa larunbat goizaldean egin zuen, Amarako etxebizitza batean, eta atxiloketa goiz horretan egin zuen Ertzaintzak. Atxilotua epailearen esku dago jada.
Artxandako tuneletako Deustuko tartea bihar irekiko dute berriro
Bizkaiko Foru Aldundiak estaldura, drainatze-sistemak, ebakuazio-galeriak, argiztapena eta gorabeherak detektatzeko sistema automatikoak hobetu ditu. Udazkenean, Salbeko zatiaren txanda izango da.
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.