Lan osasunean atzera egin dela eta lan-istripuek gora egin dutela salatu du LAB sindikatuak
LAB sindikatuak Lan-istripuei buruzko 2022ko txostena aurkeztu du gaur. Agerraldian lan-osasunean atzera egin dela eta lan-istripuek gora egin dutela salatu du sindikatuak. Egoera honek bizi-baldintzen prekarizazioarekin lotura zuzena duela adierazi du Garbiñe Aranburu koordinatzaile orokorrak.
Txostenean aipatzen duten lehendabiziko ondorioa lan-istripuei dagokiena da. Sindikatuaren aburuz, istripuek gora egin dute eta, ondorioz, hildako langileen kopuruak ere gora egin du 2022. urtean. Egin dituzten kalkuluen arabera, orotara, (istripu hilgarriak, larriak, arinak eta bajarik sortu ez zutenak kontutan hartuta) 85.000 lan-istripu inguru izan ziren Hego Euskal Herrian.
Istripu hilgarriei helduta, txostenean zehaztu dituzten datuen arabera, Euskal Herrian 65 pertsona hil ziren iaz lanean ari zirela, eta beste lau atzerrian lanean ari zirenean hil ziren. Sindikatuak aipatu duenez, 2014tik gorakada nabarmena izan dute istripu hilgarriek: 39tik 69ra, hain zuzen ere.
Datuak sektoreka aztertuta, basogintza da sektore hilgarriena LABen iritzian. Hego Euskal Herrian altan emanda zeuden 1.000 langiletik 4 hil ziren 2022an, txostenak argitzen duenez. Jardun hori sailkapenean bigarren lekuan agertzen den eraikuntza arloa baino "15 bider hilgarriagoa" dela adierazi dute. Industria eta garraioa ere hartzen ditu sindikatuak sektore kritikotzat.
Lanak eragindako gaixotasunen datuei dagokienean, sindikatuak salatu du patronalak eta mutualitateek iruzurra egiten dutela gaixotasun hauek gizarte segurantzara bideratzen dituztenean. Mutualitateek beren tratamendu eta prestazio ardurei bizkar ematen dietela gehitu du.
LABek txostenean ematen dituen datuen arabera, lanean gaixotutakoen kopurua 4.284koa izan zen Hego Euskal Herrian; 2.965 EAEn eta 1.319 Nafarroan. Gaixotasun horien ondorioz hildakoak, berriz, 276 inguru izan zirela kalkulatu du LABek.
Datu hauek ikusita, "lan osasun eskubidea egunero urratzen" dela irizten du Garbiñe Aranburuk. Ezinbestekotzat jo du lan-istripuak zergatik gertatzen diren aztertzea eta laneko gaixotasunen arrazoietan arreta jartzea. Prekaritatea mugatu eta prebentzio arloan inbertsioak egitearen premia ere aipatu du LABeko koordinatzaile orokorrak.
Bere hitzetan, lehentasuna izan beharko litzateke "lan-osasun galera horiek ekiditea" eta, gaur gaurkoz, "langileon bizitzak irabaziek baino balio txikiagoa" duela enpresarientzat gehitu du.
Honen aurrean, "prekarietatea borrokatu eta heriotzak nahiz gaixotasunak aztertzen" jarraituko duela sindikatuak adierazi du eta neurri eraginkorrak eskatzeko ekintza sindikala areagotzeko asmoa adierazi du.
Zure interesekoa izan daiteke
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.