Ministroen Kontseiluak pentsioen erreforma onartu du
Espainiako Gobernuak ezohiko Ministro Kontseiluan onartu du ostegun honetan pentsioen erreformaren azken zatia. Bertan, gehienezko oinarrien eta kotizazioen igoerak, gutxieneko pentsioen hobekuntzak eta pentsioa kalkulatzeko eredu dual bat ezartzea aurreikusten da, kotizatutako azken 25 urteen edo 29 urteren artean hautatzeko aukera emango duena, kasu honetan bi txarrenak baztertuz.
Jose Luis Escriva Gizarteratze, Gizarte Segurantza eta Migrazioetako ministroak prentsaurrekoan esan du erreforma honekin amaitutzat jotzen duela Espainiako Gobernuak pentsio-sistemaren modernizazioa, gaur egungo eta etorkizuneko pentsiodunen erosahalmena bermatuta gainera.
Era berean, ministroak adierazi du erreserba-funtsean, "pentsioen itsulapikoan", 120.000 milioi euro inguru izango direla 2040ko hamarkadaren hasieran. Escrivaren arabera, aurrezkia 30eko hamarkadaren hasieratik 50eko hamarkadara arte erabiliko da, pentsioak presio demografiko handieneko urteetan blindatzeko.
EH Bilduk eta Gizarte Segurantzako Ministerioak akordioa lortu dute alargunen pentsioen inguruan
Akordioak alargunen gutxieneko pentsioak handitzeko eta kotizaziopeko erretiro-pentsioekin parekatzeko balioko du. Zehazki, akordio horren arabera, alarguntza-pentsioak hilean 40 eurotik gora igoko dira 2024an banakako pentsioen kasuan, eta hilean 126 eurora arte ezkontidea ardurapean duten alarguntasun-pentsioen kasuan. Gehikuntza horrek esan nahi du 1.775 eta 3.800 euro arteko igoera izango dela lau urtean.
Taldeak Kongresuan duen bozeramaile Mertxe Aizpuruaren hitzetan, akordioa "aurrerapauso oso garrantzitsua" da, eta "funtsezko hobekuntza" eta "egiturazkoa"; izan ere, alarguntza-pentsioak dira, gaur egun, kotizazio gabeko pentsioekin batera, pentsio txikienak.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.