Deutsche Banken inguruko zalantzek Europako bankuak izutu egin dituzte
Europako bankuak izutu egin dira gaur, izan ere, Deutsche Bankek 1.500 milioi dolarreko mendeko zorra berrerosi nahi du maiatzaren 24an, 2028an mugaeguna baino askoz lehenago. Bruselatik hainbat adierazpen egin dituzte EBko buruzagi nagusiek, Europako bankuen oinarriak sendoak direla ziurtatzeko.
Hala eta guztiz ere, Frankfurteko DAX40 indizeak negatiboan itxi du saioa, % 1,66ko jaitsierarekin. Deutsche Banken akzioek % 8,53 egin dute behera. Commerzbankeko tituluek, bestalde, % 5,45 galdu dute jardunaldiaren amaieran.
Espainiako burtsak ere % 1,98 egin du behera. Bankinterrek % 5,38ko jaitsiera izan du; BBVAk % 4,43, Banco Sabadellek % 4,28 eta Unicajak % 4,06. Santanderrek % 3 egin du behera.
Era berean, Suitzako UBS eta Credit Suisse bankuek, oraindik bereizita kotizatzen dutenek, nahiz eta lehenengoak bigarrena erosi, beherakadekin itxi dute Zuricheko burtsan, nahiz eta bi baloreek gora egin duten eguneko azken orduetan.
UBSren eta Credit Suisseren akzioek % 7 baino gehiago egin dute behera saio erdian; itxieran, aldiz, % 3,55 eta % 5,19 galdu dute, hurrenez hurren.
Joera berarekin, Milango Burtsak beherantz egin du eta bere FTS MIB indize selektiboak % 2,23 egin du atzera. Banco Popolare Milanok % 4,14 galdu du, Unicreditek % 4,05, Banca Popolare Emilia Romagnak % 4,04, Banca Monte Paschi Sienak % 3,26 eta Nexi ordainketa-sareak % 3,06.
Azkenik, Londresko burtsak % 1,26 egin du behera. Hainbat banku izan dira galtzaileen artean, besteak beste, Standard Chartered ( % 6,42), Barclays ( % 4,21) eta Natwest ( % 3,58).
Gauzak horrela, Europar Batasuneko estatuburuek eta gobernuburuek Europako bankuen sendotasuna defendatu dute, eta, aldi berean, adi egoteari ez uztea eta Banku Batasuna osatzeko "ahaleginei" berriro ekitea eskatu dute.
Testuinguru horretan, buruzagiek lasaitasun mezua bidali nahi izan dute Bruselan egin den goi-bileran. Olaf Scholz Alemaniako kantzilerrak azpimarratu du Deutsche Bank "errentagarria" dela, eta "bere negozio-eredua modernizatu" duela. Hori dela eta, "ez dago arrazoirik" kezkatuta egoteko, burtsan dituen akzioek behera egin duten arren.
"Europako bankuen oinarriak sendoak dira", nabarmendu du Emmanuel Macron Frantziako presidenteak.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.