Ezerezean amaitu da sindikatuek eta Frantziako Gobernuak pentsioen erreformari buruz egindako bilera
Frantziako Lehen Ministroak eta sindikatuek pentsioen erreformaren gainean gaur egin duten bilera "porrotean" amaitu da, amaieran sindikatuek adierazi dutenez, "Elisabeth Bornek ez duelako testu legala atzera bota nahi izan".
Herrialdeko zortzi sindikatu nagusietako ordezkariek jakinarazpen bateratu bat irakurri dute ordubete eskas iraun duen bileraren amaieran. Bornek lanari buruzko beste gai batzuei heltzeko asmoa azaldu badu ere, pentsioen erreforma bertan behera uzten ez duen bitartean, sindikatuek ez bestelako negoziaziorik zabalduko jakinarazi dute egindako adierazpen horretan.
Cyril Chabanierrek, CFTC sindikatuko presidenteak, "porrot behartu" gisa definitu du goizeko bilera. "Lehen ministroak bere testuarekin Aurrera jarraitu nahi duela adierazi du" eta hori "erabaki larria" dela irizten dio, "herritarren gehiengoa aurka daukalako".
CFDTko idazkari nagusi Laurent Bergerrek deitoratu egin du legea onartzeko prozesua ia amaituta dagoenean deitu dituela lehen ministroak. "Oso berandu da" esan du. Bornek mahai gainean jarri zituen gainerako gaiak oso garrantzitsuak direla uste du, baina hauek ere pentsioekin eta erretreta hartzeko adina atzeratzearekin lotuta daudela jakinarazi du.
Sophie Binet, CGT-ko lider berria, gogor aritu da Gobernuaren aurka. Goizeko bilera "alferrikakoa" izan dela adierazi du eta Gobernua "erradikalizatuta, motelduta eta errealitatetik at" dagoela iritzi dio. Horrez gainera, sortu den klima sozialaren erantzukizuna daukala esan du. "Erreforma bertan behera uztea beste irtenbiderik ez duela ulertzen duten arte" mobilizazioekin jarraitzeko deia egin du.
Bestetik, Elisabeth Borne lehen ministroak adierazpen motz bat egin du sindikatuekin izandako bileraren ondoren. Bileran izandako "errespetuzko tonua" azpimarratu du eta sindikatu bakoitzak esateko zuena aditu duela ziurtatu du. Bestelako eztabaida sozialetan sindikatuekin batera egin nahi duela aurrera baieztatu du eta horretarako bere "prestutasuna" adierazi diela jakinarazi du. Alabaina, pentsioen erreforma beharrezkotzat jo du.
Gauzak horrela, sindikatuek bihar deituta dauden mobilizazioetan parte hartzeko deia egin dute; "manifestazioetan ahalik eta langile eta herritar gehienak egotea behar dugu". Pentsioen erreformaren aurkako hamaikagarren protesta-eguna izango da ostegun honetakoa.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".