Eztabaida Sozialerako Mahaiak hobekuntzak adostu ditu gazteen eta 45 urtetik gorakoen enpleguan eta zainketan
Zainketen aldeko Herri Itunean parte hartzeko konpromisoa hartu du Eztabaida Sozialerako Mahaiak asteazken honetan. Horretarako, zaintza behar duten pertsonen "ongizatea" bermatzeko politikak sustatu beharko dituzte administrazio publikoek, kalitatezko zerbitzua eskainita eta eredu "eraginkorragoa eta bidezkoagoa" sortuta. Era berean, erronka demografikoaren eragina aztertuko duen lantalde bat sortzea, gazteen enpleguari buruzko itun baten oinarriak ezartzea eta 45 edo 50 urtetik gorako pertsonak kontratatzeko programa bat bultzatzea erabaki dute.
Horrekin lortu nahi dute zaintza behar duten herritarrenganako arreta hobetzeko oinarriak finkatzea, bi ildo aintzat hartuta: genero bereizkeria deserrotzea eta sektore horretan kalitatezko enplegua bultzatzea.
Eusko Jaurlaritzako, Confebaskeko eta CCOO eta UGT sindikatuetako ordezkariak bildu dira gaurko honetan, 2023ko lan plangintza onartze aldera. Hitzorduan adostu dute Zainketen aldeko Herri Itunari bide ematea —Nerea Melgosaren Sailak bultzatu du akordioa—.
Reunión de la Mesa de Diálogo Social
Testuan jaso dutenez, itun sozial horrek "izaera transbertsala" izango luke, jardunbide publikoko hainbat arlori eta zaintza eskaintzen duten sektoreei eragiten dielako. Gainera, esparru sozial eta ekonomiko ezberdinetan du eragina, "nor bere kabuz ari bada ere, elkarren artean lotura dutelako".
Ordaindutako zaintza lanak
Akordioak arreta berezia ematen dio ordaindutako edo profesionalizatutako zaintza lanari. Ordezkari guztiek bat egin dute sektore horretan kalitatezko enpleguaren beharra azpimarratzen, "enplegu politikaren helburu lagaezina eta zaintza eredu eraginkor baten oinarrizko elementu" dela iritzita.
Akordioaren garrantzia nabarmendu du Melgosak
Berdintasun, Justizia eta Gizarte Politiketako sailburu Nerea Melgosaren hitzetan, itunak "garrantzi handia" du, elkarlanaren bidez "zaintza eredu propioa" izan dezagun.
"Pozik gaude, eta gure sailarentzat ospatzeko modukoa da, gu arduratu baikara akordio hau bilatzeaz. Errealitate sozialak aginduta, zaintza erdigunean jartzeko premia zegoen, ukaezina da", esan du.
Lau eguneko lanaldiaren entsegua
Bestalde, Idoia Mendia Lan eta Enplegu sailburuak azaldu du lau eguneko lanaldiari buruzko entsegua "zientifikoki abalatutako proiektua" izango dela, eta ez diola Espainiako ereduaren ildoari jarraituko, neurri hori probatzea erabakitzen duten enpresei dirulaguntzak ematean oinarritzen baita.
Sailburuak azaldu duenez, helburua "ondorioak ateratzea" da, lau egunez soldata murriztu gabe eta orduak igo gabe lan egiteak langileen ongizatea eta motibazioa hobetzen ote dituen, eta kontziliazio eta atseden handiago horrek errendimendu handiagoa eta laneko baja gutxiago eragiten ote dituen.
"Jaurlaritzak ez dio uko egiten herrialdeari mesede egingo dion politika publikoari, eta interesa duenarekin aterako dugu aurrera", gaineratu du.
LAB eta ELA, Mahaitik kanpo
Gehiengoa osatzen duten bi sindikatu abertzaleek ez dute Elkarrizketa Sozialerako Mahaian parte hartzen. Horren harira, Garbiñe Aranburu LABeko koordinatzaile nagusiak berretsi du sindikatua ez dela organo horretan egongo: "Ez da eraginkorra modu antidemokratikoan jaio zelako, gehiengo sindikala ordezkatuta ez dagoelako". Horren ordez, Lan Harremanen Kontseilua (LHK) proposatu du, bertan sinatu baitzen EAEko lan hitzarmenak blindatzeko sektore arteko akordioa. "Gauzak beste modu batera egin daitezkeela frogatu zen 2017an", argudiatu du.
Bestalde, zaintza sistema publiko komunitarioaren bidean aurrera egiteko beharra aldarrikatu du. Aranbururen ustez, "baditugu eskumenak bestelako zerga politika bat egin eta zerbitzu publiko duinak garatzeko".
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".