Sindikatuek erakundeen esku-hartzea eskatu dute lan-osasuna bermatuko duten neurriak hartzeko
Euskal Herrian ordezkaritza duten sindikatuak kalera atera dira gaur, Lan Osasuneko eta Segurtasuneko Nazioarteko Egunean, lan osasunerako eskubidea aldarrikatzeko eta enpresei eta erakundeei lan-istripuen kontrako neurriak eskatzeko.
ELAk enpresek eta gobernuek lan-istripuen aurrean duten "inpunitatea" eta "konplizitatea" salatu du Donostian egindako manifestazio batean. Peio Igeregi ELAren Lan Osasuneko arduradunak adierazi du Eusko Jaurlaritzak eta Nafarroako Gobernuak "borondaterik eta baliabiderik ez" dutela, eta horiek direla, hain zuzen ere, "2022an izandako 71 lan heriotzen eta 2023ko 15en benetako erantzuleak". Era berean, "enpresen inpunitatea"z ohartarazi du.
Horren aurretik, sindikatuak formazio ekitaldi bat egin du, Kursaalen, teknologia berriek eta digitalizazioak lan-baldintzetan dituzten eraginen inguruan.
LABek Iruñeko Civivoxen egin ditu gaurko ekitaldiak, manifestazioaz gain asanblada egin baitu prebentzio arloko ordezkariekin. Igor Arroyo sindikatuaren koordinatzaile nagusiak salatu du lan osasuna ez dela lehentasuna erakundeentzat, eta amiantoaren biktimak jarri ditu adibide.
Arroyok adierazpenak egin ditu tren geltokiaren aurrean, eta "erakundeen utzikeria"ren adibide gisa, ondoko eraikin batean oraindik amiantoa dagoela jakinarazi du. Nafarroa osoan sei milioi metro koadro omen daude amiantoarekin kutsatuta.
Zentzu horretan, CC. OO. Euskadik zerga salbuespena eskatu die EAEko hiru foru aldundiei amiantoaren biktimek jasotako kalte-ordainarentzat, horrekin kalte-ordainerako funtsa osatuko delakoan.
Sindikatuak informazio asanblada bat antolatu du Bilbon "Amiantoaren kalte-ordain funtsa, bidezko tributazioaren alde" lelopean. Amaieran, ordezkari sindikalek manifestazioa egin dute Bizkaiko hiriburuaren erdigunean, Aldundiaren egoitzaraino.
Azkenik, UGT EUskadik jatorri psikosozialeko istripu eta gertakarien ikerketari buruzko jardunaldiak egin ditu, tartean Lan Ikuskaritzak arlo horretan egin duen lana aztertzeko. Juan Carlos Cardenas sindikatuaren lan osasuneko idazkariak buruko osasunean arreta jartzea eta "errealitate larri hori ikusaraztea eta konpontzeko baliabideak jartzea" eskatu du.
Zure interesekoa izan daiteke
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.