Itsaraz parke eolikoaren proiektua jendaurreko informazio fasean sartu da
Statkraft enpresa norvegiarrak Aramaion eta Eskoriatzan Itsaraz parke eolikoa eraikitzeko pausoak ematen jarraitzen du. Eraikiko balitz, aipaturiko udalerri horietan ez ezik, azpiegiturak eragina izango luke Arrasaten (Gipuzkoa), Atxondo, Elorrio eta Abadiñon (Bizkaia) eta Legutio, Arratzua-Ubarrundia eta Aramaion (Araba).
Itsaraz parke eolikoaren proiektua jendaurreko informazio fasean sartu da, eta, gaurtik aurrera, interesa dutenek ekarpenak egin ahal dizkiote proiektuari eta Ingurumen Inpaktuaren Adierazpenari, gaur Bizkaiko Aldizkari Ofizialean irakur daitekeenez. Halaber, informazio hori datozen egunetan argitaratuko da Estatuko Aldizkari Ofizialean eta Arabako eta Gipuzkoako Aldizkari Ofizialetan.
Statkraft enpresak aurkeztu duen proiektuaren arabera, Itsaraz parke eolikoak zortzi aerosorgailu (172 metroko diametroa eta 200 metroko altuerakoak) izango lituzke. Halaber, 60,4 megawatt ekoizteko gaitasuna izango luke, 44.000 etxebizitza baino gehiago hornitzeko adina.
Konpainia norvegiarrak 725.000 euro inbertituko ditu ingurumenari lotutako neurrietan, besteak beste, landareak lehengoratzeko, faunarentzako gordeleku artifizialak eta edateko tokiak eraikitzeko eta aerosorgailuak gelditzeko sistemak ezartzeko.
Espainiako Gobernuari dagokio Itsaraz proiektuari buruzko aurretiazko administrazio baimenak eta Ingurumen Inpaktuaren Adierazpena izapidetzea.
Proiektua hasierako fasean dago, eta 2026 eta 2027 bitartean eraikitzea aurreikusten du Statkraft enpresak.
Zure interesekoa izan daiteke
Bizkaiko eta Gipuzkoako arrantzaleek balorazio gazi-gozoa egin dute EBk ezarritako arrantza kuoten inguruan
Erdietsitako akordioa albiste txarra da Ondarroako alturako ontzientzat, besteak beste, legatzaren eta oilarraren kuotak jaitsi dituztelako. Kaltetuenak, baina, berdela amuarekin arrantzatzen duten ontzi txikiak dira, % 70 murriztu baitute harrapaketen kopurua. Baxurako arrantzaleentzat, aldiz, akordio “positiboa” da, hegaluzearen kuotari eutsi egin diotelako eta atun gorriarena eta antxoarena handitu direlako.
Ipar Euskal Herriko laborariek A64a blokeatu dute dermatosi nodularraren aurkako neurriak salatzeko
Mobilizazioak bart abiatu dituzte, errepidean traktoreak eta lasto fardoak jarrita. Gaixotasuna kontrolatzeko, neurri zorrotzak hartu ditu Frantziako Gobernuak, eta kasuren bat agertuz gero, etxaldeko behi guztiak hiltzeko agindua eman du. Abeltzainek astelehenera arte jarraituko dute protestan, Macronen gobernuari euren “haserrea” helarazteko.
Jaurlaritza berdelaren kuota murrizteak eragingo dituen galerak arintzeko neurriak bilatzen ari da
Bilerak deituko ditu kuota berrien eragin ekonomikoa aztertzeko eta galerak arintzen lagunduko duten neurriak aztertzeko. Gainera, beste espezie batzuentzat ere murrizketak aurreikusi ditu Europar Batasunak.
EBk % 73 murriztu du berdelaren kuota 2026ko lehen sei hilabeteetarako
Antxoari dagokionez, albiste onak euskal arrantzaleentzat, gehieneko muga baimendu baita (29.700 tonako harrapaketak). Onartutako kuotak ekainera arte egongo dira indarrean, negoziazio berrien zain.
EBk 3 euroko tasa ezarriko die uztailetik aurrera Shein eta Temu plataformetan egindako erosketei
2028rako aurreikusitako behin betiko muga-zergen erreforma indarrean sartu arte egongo da indarrean. Erreforma horren bidez, EBk amaiera eman nahi dio 150 eurotik beherako balioa duten produktuak muga-zergak ordaintzetik salbuetsita egoteari.
Aurreko egunetako antzerako jarraipena izan du medikuen grebak ostiralean EAEn
Osakidetzak emandako datuen arabera, goizeko txandan % 19,63k egin du lanuztea eta arratsaldekoan, berriz, %9,22k.
Talgoko Batzarrak kapitala handitzea eta Sidenor eta SEPIren sarrera onartu ditu, Eusko Jaurlaritza barne
Konpainiak "laster" formalizatuko du Sidenor buru duen euskal partzuergoak konpainiaren % 29,76 eskuratzea. SEPIk 45 milioi euro jarriko ditu kapitalaren % 7,8 kontrolatzeko, 4,25 euro akzioko, kapital-gehikuntzara joz.
Pozik hartu dute Arabako erresidentzietako langileek gatazkaren konponbidea, 6 urteko borrokaren ondoren
Soldata % 32,5 igoko zaie eta hilean 1.500 euro gordin irabaztera iritsiko dira. Elkarrekin-Podemosek aurrekontuak onartzeko baldintza gisa gai hau jarri izana eskertu dute.
Bisigua, zapoa, itsaskiak... Zenbateko astindua izango da Eguberrietako menua gure poltsikorako?
Gabonak ate-joka ditugu eta MercabIlbao elikagaien banaketarako funtsezko nodoa da. Txikizkariak bertara joaten dira produktuak erostera, ondoren haien dendetan saltzeko. Gaur, goizean zehar, etengabe ikusi ditugu alde baterik bestera produktuak begiratzen eta erosten. Zer igo da gehien egun hauetan? Zer saltzen da gehien?
EAJk eta PSE-EEk oposizioaren babesik gabe onartuko dituzte Bizkaiko 2026ko Aurrekontuak
Bizkaiko Batzar Nagusiek atzera bota dituzte oposizioak aurkeztutako hiru osoko zuzenketak. Gauzak horrela, 2026ko aurrekontu proiektuak beste aurrerapauso bat eman du, behin betiko onespena eman aurretik.