Tomas Arrieta: "Bi langiletik batek lan baldintzak eguneratuta ditu EAEn"
Lan Harremanen Kontseiluko presidente Tomas Arrieta elkarrizketatu dute gaur, ostegunarekin, Radio Euskadiko "Boulevard" saioan, urteko lehen lauhilekoan soldatek Euskal Autonomia Erkidegoan izan duten bilakaera aztertzeko. "Datu onak ditut. Negoziazio kolektiboa bizi dugun egoerari erantzuteko gai izan da, eta indartsu dagoela erakutsi du", nabarmendu du. Apirilera arteko datuak kontuan izanda, batez beste, soldaten igoera % 5,5ekoa izan dela aurreratu ostean, gogorarazi du aurreko hilabetean akordio garrantzitsuak izan zirela, eta horiek ere "igoera inportanteak" ekarriko dituztela.
"EAEn negoziatzen diren hitzarmen kolektiboak soilik aintzat hartuta, % 0,7 handiagoa da igoera. Hala eta guztiz ere, datu esanguratsu bakarra ez da soldaten igoera, horrek zenbat pertsonari eragiten dien eta zenbat hitzarmen berritu diren baizik. Horrenbestez, azkenaldian hitzarmen asko berritu direnez, datua hobea da oraindik", azaldu du.
Elkarrizketan, Arrietak azpimarratu du gaur egun langileen % 40k dituztela lan baldintzak eguneratuta, "eta apirileko itunak gehituta, % 50era iristen da kopurua". "Azken hamarkadako datu onena dela esango nuke. Dena den, ez dugu autokonplazentziazko egoera horretara mugatu behar", adierazi du.
Bestalde, ez du "enkistatutako" hitzarmenen inguruan hitz egin nahi izan, negoziazio kolektiboa "bizirik" dagoela iritzita. "Oraindik badira lortu beharreko hainbat kontu, adibidez, hitzarmenik ez duten beharginekin. Lan handia dugu", erantsi du.
Adegiko presidenteak atzo "akordioaren kulturaz" egindako adierazpenen harira, Lan Harremanen Kontseiluko presidenteak esan du negoziazio kolektiboak akordioekin soilik funtzionatzen duela, "ez dago besterik".
Azkenik, itunen alde eta greben "aurka" azaldu da, uste badu ere protestak ez direla deabrutu behar". "Grebak presioa egiteko modu bat dira, alegia, negoziazio sarearen parte dira", bukatu du.
Albiste gehiago ekonomia
Mitxel Lakuntzaren arabera CAFek Jerusalemen duen proiektua "ez da erabakigarria" enpresaren etorkizunarentzako
ELAko idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.
Gipuzkoako erreferentziazko prezioen indizea argitaratu dute, asteazkenetik aurrera alokairuak mugatzeko
Donostian, Irunen, Errenterian, Lasarte-Orian eta Zumaian izango du eragina. Hileko errenta zehazteko, hainbat datu sartu beharko dira, hala nola katastroko erreferentzia eta higiezinaren helbidea, energia-ziurtagiria, planta eta kontserbazio-egoera. Horrela, higiezin horri aplikatu beharreko alokairu-prezioen tarte objektibo bat lortuko da.
BBVAk iragarri du azaroan akzio bakoitzeko 0,32 euroko dibidendua emango duela
Erakundearen "historiako dibidendu altuena" da, eta akzioen trukean parte hartuko duten Sabadell bankuko akziodunek ere jasoko dutela ziurtatu du bankuak.
Maderas de Llodioko langileek salatu dute erakundeek jarrera pasiboa dutela enplegu-erregulazioko espedientearen aurrean
Langileen batzordeak adierazi duenez, ekoizpenaren % 40 Laudiotik kanpo eramango lukete, eta horrek eskualdearen etorkizun ekonomikoa arriskuan jarriko luke.
Sentsore kuantikoak garatzeko eta ekoizteko laborategia jarri du martxan Tecnaliak Zamudion
Bost milioi euroko inbertsioa izan du eta aitzindaria izango da Europan, sentsore kuantiko horiek aurrerapen handiak ekarriko baitituzte industriarako material berriak sortzeko, mugikortasuna errazteko, eta, osasun arloan, minbiziak garaiz detektatzeko.
ELAk, LABek, Steilasek, ESKk, Etxaldek eta Hiruk Confebask demandatu egingo dute, gutxieneko soldata propioa negoziatu ezean
Kontziliazio eskaera bat erregistratu dute, "patronala negoziatzera behartzeko", EAErako gutxieneko soldataren inguruan, eta gatazkan bitartekari gisa aritzeko eskatu diote Eusko Jaurlaritzari.
Hego Euskal Herriko biztanleen erdiak baino gehiago etxebizitza-eremu tentsionatuetan bizi dira
EAEn, Gasteiz gehituta, ehunekoa % 47,7koa da, eta Nafarroan, berriz, % 70ekoa.