Adegik aurreikusi du 3.000-4.000 lanpostu sortuko direla aurten Gipuzkoan
Adegik, Gipuzkoako enpresarien elkarteak, urteko batzar nagusia egingo du bihar, Enpresaren Egunean, baina aurretik prentsaurrekoan aurkeztu ditu 2023rako egindako azken aurreikuspenak, maiatzeko inkestan oinarrituta. Testuinguru horretan, iragarri du 3.000-4.000 lanpostu artean sortuko direla aurten, Gipuzkoan, eta ekonomia % 2 haziko dela (iaz % 4,2 hazi zen).
Eduardo Junkera presidentea, Jose Miguel Ayerza zuzendari nagusia eta Patxi Sasigain lehiakortasun eta berrikuntza alorreko zuzendaria izan dira prentsaurrekoan.
Espresenganako konfiantzari dagokionez, "apur bat" suspertu dela esan du Junkerak, urtarrileko inkestaren emaitzekin alderatuta, 0,5 puntu hazi baita. Enpresen fakturazioa, berriz, % 1,7 igo da.
Gaur-gaurkoz enpresarien kezka nagusiak zein diren ere argitu du. Lehengaien eta energiaren garestitzea, lan kostuen igoera eta langile kualifikatuak kontratatzeko zailtasuna dira, batez ere, enpresarien artean ardura eragiten duten kontuak. Dena den, banku finantzaketarekin lotutako kezkak hartu du, bereziki, indarra azkenaldian.
Enpleguaren gaira itzulita, azpimarratu du enpresen % 91k beren horretan eutsiko diotela enplegu mailari.
Akordioak Gipuzkoan
Ekonomiaren egungo egoera "zaila" mintzagai, Junkerak garrantzia eman die Adegik Gipuzkoan "negoziatutako eta lortutako" akordioei. "Modu batean edo bestean sindikatu guztiek hartu dute parte horietan", nabarmendu du.
Haren iritziz, bake soziala da Gipuzkoari, bere enpresei eta langile guztiei ekarpenik handiena egiteko modua. "Konfiantza eta egonkortasun mezu bat da, inflazioak eta ezegonkortasunak agintzen duten une honetan. Seguru nago aurretik ditugun erronkei aurre egiten lagunduko digula", adierazi du.
Bereziki, Metalaren sektorean hitzartutako itunari egin dio aipamena, soldata baxuenak dituzten beharginak babesten dituela iritzita.
Zure interesekoa izan daiteke
Oiartzunen atzo izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".