Jaurlaritzak aurtengo hazkunde aurreikuspena hamarren bat hobetu du, % 1,6raino
Eusko Jaurlaritzak 2024ko Euskal Autonomia Erkidegoko (EAE) aurrekontuak gidatuko dituzten gidalerroak onartu ditu, eta bertan jasotzen diren aurreikuspenen arabera, EAEko ekonomia % 1,6 haziko da aurten, martxoan aurreikusi baino hamarren bat gehiago, eta % 2,1, berriz, 2024an.
Pedro Azpiazu Ekonomia eta Ogasun sailburuaren esanetan, aurten 11.000 lanpostu sortuko dira, eta 16.000 datorren urtean. Langabezia-tasa % 8,2koa izango da 2023an, eta % 7,5ekoa 2024an.
"Ekonomia garatuen susperraldia harridura sorrarazten ari da, eta Euskadi ez da salbuespena", azpimarratu du Azpiazuk.
2024ko aurrekontuen helburu nagusiak susperraldi ekonomikoa sendotzea, garapen ekonomiko jasangarria eta kalitatezko enplegua bermatzea, herritarren ongizatea eta bizi kalitatea ziurtatzen duten politika sozialak garatzea izango dira, erronka demografikoari aurre eginez eta gazteriaren aldeko apustua eginez.
Ekonomia eta Ogasun Sailak zabaldutako informazioaren arabera, finantza publikoen iraunkortasuna da Eusko Jaurlaritzak gobernu gisa duen erronka handienetako bat, kontsolidazio fiskala eta inbertsio premia "izugarriak" uztartu beharko baititu. Gaineratu duenez, inbertsio hori beharrezkoa da ehun ekonomiko eta soziala klima aldaketaren aurkako borrokaren eskakizunetara egokitzeko, azpiegiturak berritzeko eta ezagutzan, teknologian eta berrikuntzan oinarritutako hazkunde ekonomikoa bultzatzeko.
Finantza publikoen sendotasunari dagokionez, gaur-gaurkoz Egonkortasun eta Hazkunde Itunaren ihes-klausulak indarrean jarraitzen du. Dena dela, indargabetzen denean, EAErako defizit eta zor muga berriak Kontzertu Ekonomikoaren Batzorde Mistoan ezarri beharko dira. Edozein kasutan, Eusko Jaurlaritzak aurreratu du ordura arte "ahalik eta gehien" baliatuko dituela aurrekontu malgutasunaren marjinak.
Jaurlaritzak 2024ko aurrekontu proiektua lehenbailehen onartu nahi du, ondoren Eusko Legebiltzarreko tramitazioa bideratzeko.
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".