Zaldibarko zabortegiaren lurrak "egonkor" daude eta ez dago erortzeko arriskurik, Tapiaren esanetan
Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuaren esanetan, 2020ko otsailean amildu zen Zaldibarko zabortegiaren lurrak "egonkortasun maila baxuenean daude". Dena dela, mailarik baxuenean egonda ere, azpimarratu duenez, "egonkor daude", eta "une honetan ez dago erortzeko arriskuan". "Izugarrizko eurite bat bada zerbait desplaza daiteke? Edozein menditan gerta daiteke, baina gaur-gaurkoz, egonkor dago", azaldu du.
Jaurlaritzak berak eskatuta, Geologia y Geotecnia Larrea enpresak txostena egin berri du zabortegiaren lurren egonkortasuna aztertzeko, eta bertan jasotzen denez (Naiz eta Berria egunkariek zabaldu dute), hura erortzeko arriskua dago berriro. Informazio hori zabaldu eta biharamunean, elkarrizketa eskaini du sailburuak Euskadi Irratiko "Faktoria" saioan. Tapiaren hitzetan, Jaurlaritzak "urgentziazko lanak" egin zituen hondamendia gertatu eta gutxira, lurrak egonkortu eta behin-behinean zigilatzeko. Lan horiek sortutako zorra kitatzea eta ondorengo mantenu lanak egitea Verter Recycling enpresako (hartzekodunen konkurtsoan dago) administratzaile konkurtsalari zegozkiola argitu du sailburuak, baina "zegoen diru gutxiarekin" ez dituela egin. "Berea da ardura", erantsi du.
Bien bitartean, Jaurlaritzak arlo honetan "gauza asko" egin dituela azpimarratu du: "Txostenak bideratu ditugu, ikuskapenak egin, hiru errekerimendu helarazi dizkiogu administratzaile konkurtsalari, eta epaile eta Fiskaltza jakinaren gainean daude... Jarraipen zehatza egin zaio". Azaldu duenez, orain beste txosten batek ondorioztatu du administratzaile konkurtsalak baduela "nahiko diru lan batzuk egiteko eta segurtasun maila hori gorago eramateko, egonkortasuna igotzeko". Hori horrela dela egiaztatzeko ikuskapenak egingo ditu Jaurlaritzak, sailburuaren esanetan.
Azkenik, Eitzaga auzoko lur horietan industriagune bat egiteko aukeraz galdetuta, Tapiak argitu du adituen txostenak irmoak izan direla: "(lur) Horien gainean ezin da ezer ere egin". Jaurlaritzak, bada, ez dio "baliorik ikusten" inguru horri, "segurtasuna jaitsi delako eta gastuak dituelako", eta hala jakinarazi die epaileari, fiskalari eta administratzaile konkurtsalari.
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.